Kasaulogan sa Birheng Maria

Gisaulog sa Archdiocese sa Davao ang ika-7 Parochial Fiesta sa Virgen Delos Remedios Parish Crossing Bayabas Toril kadtong Pebrero 2, 2018.

Subay sa tema: “Birhen Maria sumbanan sa gugma ug pagtoo,” ang kapistahan nahimong makahuloganon ilabi na nga gisaulog kini pinaagi sa Misa ni Archbishop Romulo G. Valles.

Sumala ni Abp. Valles, ang sentro gayud sa fiesta mao ang Ginoo, ang paghalad ni Hesus sa templo kon Presentation of the Lord.

Sumala niya nga kita nga nagtoo kang Kristo murag ang focus presentation of the Lord apan dili kalimtan nga apil ang inahan dalhon sa templo aron lempyuhan kay adunay nahitabo sa pagkatao sa bata nga mura’g natay-og ang inahan nga kinahanglan ihalad nasad sya sa templo.

Si Abp. Valles miingon nga matod pa sa custombre ang bata ipresentar sa templo apan kuyog gyud ang inahan niini.

Gihatagan usab og pagtagad ni Abp. Valles ang kandila nga gibinditahan sa wala pa sugdi ang Misa.

“Kanang kandila simbolo sa pagtoo, sama sa Mahal na Birhen nga naggunit kang Hesus nga mao atong kahayag. Ang simbolo sa kandila very important sa presentation of the Lord. Dunay simbolo sa kandila nga mouli ta sa balay nga kining kandila diay simbolo sa kahayag ni Kristo, kining kandila diay makapawalag kahadlok sa atua sa liti ug sa mga panuway. Di nako mahadlok kay si Hesus mao ang kahayag nga magwala sa kangitngit.”

Dugang usab niya nga kinahanglan adunay altar sa balay diin ibutang ang kandila ug diin makita usab ang krus ni Kristo.

Dugang pa ni Abp. Valles sa Year of the Clergy and Consecrated Persons nga gi ampoan adtong adlawa, gisaysay niya nga unta ang ilang kinabuhi—sa mga pari ug kamadrehan—mamahimong kahayag sa mga katawhan sama sa kahayag ni Kristo.

Matod pud ni Abp.Valles nga “ayuhon nato’g gunit atong kinabuhi nga mahimo pud ta’g kahayag, kalipay ug inspirasyon alang sa uban sama sa mahal na birhen nga nagdala kang Hesus ngadto sa Ginoo.

“Obispo, pari ug kitang tanan dunay papel sa nagkalaing laing paagi, nga walay labaw kay kitang tanan mga anak sa Dios nga nakakita sa kahayag karong adlawa. Mao ang hagit karon dinhi satong taliwala nga kong gunitan ang maong gasa sa atong pagtoo, ang atong kahayag duol nato ug usab makapadasig sa uban nga naglibot kanato,” dugang niya.

Gidayeg usab niya ang katawhan nga maoy mutaban sa pagtukod sa simbahan inubanan sa kura paruko nga si Fr. Johnny Autida. (Roxanne M. Bendijo | HCDC Intern)

No Comments

Post A Comment