Bp Afable first Saturday Devotion Homily 2020

Bishop’s First Saturday Devotion Homily

Bp Afable first Saturday Devotion Homily 2020May usa ka sugilanon sa usa ka bata nga nabulag sa iyang mga ginikanan samtang nagsaulog ang mga daghan kaayong mga tawo didto sa kadayawan sa Davao. Sa diha nga nakaplagan ang maong bata, gidala sa mga pulis unya gipapangutana sa pulis ang bata kinsa siya ug asa siya gikan. Gipangutana ang bata “Unsa gani ang pangalan nimu?”. “Nitubag ang bata “Letse ka!” ug natingala ang pulis nganung niingun ang bata ug pangalan “Letse ka”. Sunod napud nga pangutana sa pulis “Unsa gane pangalan sa imung papa?”, niingun siya “Yawa ka”. Samut natingala ang pulis ang pangalan sa bata “Letse ka” ug ang papa “Yawa ka”. Kay diay nagdako ang bata sa usa ka panimalay na kanunay niya madungug sa dihang mag away ang mag-tiayun kanunay mamalikas sa usag usa unya kanunay niya madungog “Litse ka, Yawa ka”. Katuon ug pamalikas. Unya siguro kining bata medyo naay pagkamaldito unya kasab-an perme nia madungog “litse ka”.

Unya adunay bata nga gekumpirmahan kaniadto iyahang pangalan “skylab” nganung ginganlan man siyag “Skylab” kay natawo daw siya kaniadto nga nahulog ang skylab gikan sa langit padulong sa yuta. Ikaw unsa man imong pangalan? Unsa man ang imong angga?

Kani naghisgut sa kalainan sa Anak sa Diyos ug anak sa Yawa ug simply ra kaayo na ang anak sa Diyos maayo, Ang anak sa yawa lahi sa Diyos. Ang anak sa yawa liwat sa yawa; masinupakon, masupilon sa kasuguan sa Diyos maoy hinungdan nga mahimo siyang dautan.

Ang anak sa yawa dautan, ang nawng sa yawa…

“Sa matag higayun nga makasala kita ug maghimo tag sala nianang panahona mao na ang nawng sa yawa ang imong sinultihan mao nay sinultihan sa yawa.”

“Pero mga igsoon Anak ta sa Diyos ug magpakasama sa ta sa atong Ginoo nga maoy tinubdan sa atong kinaiya. Atong pilion ang maayong kinaiya, and Diyosnong kinaiya.”

Unya aduna’y Babae nga nag ampo nga tagaan siyag paman hunon nga maayo. Sa iyahang naagian sa iyang pamilya gibutang sa iyang hunhuna ug gisaad gyud niya sa iyang kaugalingun “Nga dili ug dili gyud nako sundon ang nahitabo sa akong ginikanan, ug magminyo ko dili gyud ko gusto mahisama sa akong inahan” ug nagpili gyud siya ug matarong nga bana. Mao ng nag’ampo gyud siya sa Ginoo. Gitabangan ug niapil sa grupo sa simbahan nga nagpadayon sila nilambo sa ilang pagkamaayo pinaagi sa mapadayunong pagtuon sa kinaiya sa Diyos, sa kasuguan sa Diyos aron dili sila mahaylo ug dili sila malunod sa kahimtang sa sala ug makalingkawas sila uban sa gasa sa Diyos ug salamat sa Diyos nga padayun sila sa kinabuhi sa simbahan nga magti’ayon nga masaligon sa Diyos,naningkamot sa pagtuman sa kabubut-on sa Diyos dili sa tanang panahon usahay adunay kahuyang sa panahon sa kapakyasan makasala gihapon apan wala sila nagpatuyang ug wala sila nagpalunang sa sala, balik gihapon sila ug wala sila nagpaka-addict sa sala.

“Mga igsoon ang kabag-ohan ug ang kagawasan o kaluwasan sa tawo mao kana na nga magmatinud-anon kita sa atong pagka-anak sa Diyos mapadayunon naningkamot uban sa gasa sa Diyos nga pinaagi kanato sa maong sumbanan ug sa atong mga pag-ampo maagda nato ang uban”.

“Mao na mga igsoon sa himno ni Jose ug Maria nganung nag maayo man kanato, dili man kana sa mga pagsulay, temptasyon ug mga kagubot, mga samok sa mga palibot ug silang duha maayo ug matarong, gimatuto ang anak nga si Hesus, gitudluan.

“Didto sa Fatima, pinaagi sa mga bata, gipahayag ni Maria, “Hilabihan ang kasakit nga gibati sa iyang Anak sa pagpadayun nga pagpakasala, padayon nga pagsupak ug pagsalikway sa tao kaniya mao’y hinungdan nga nagkagubot ug samok ang kalibutan, pag-ampo kamo sa Rosaryo sa matag adlaw, i’ampo ninyu ang makasasala aron mabag-o sila, aron maghinulsol sila, aron mahi-usa sila, tabangi ko ninyu”.

“Unya debosyon sa Sabado sa matag bulan, Ang putli nga kasingkasing ni Maria. Mao ni inyung buhaton una mangumpisal, ikaduha saulogon ang misa, ikatlo magrosaryo ug ikaupat mamalandong sa mga misteryo sa Rosaryo ug ihalad ang tibuok adlaw, tanan nga nahitabo karun, atong ihalad kaniya.”

Mao ni gipangyo sa Babae nga gikan sa langit:
1. Go to confession; 2. Go to mass; 3. Go pray the Rosary; 4. Go meditate the mysteries of the rosary in Five (5) consecutive Saturdays.

Mga igsoon, kanunay atong itugyan ang atong kaugalingon ngadto sa atong inahan sa iyang putli nga kasing kasing. (Rhizter Rafaela | SocCom Padada)

No Comments

Post A Comment