Pagpaila Sa Anak Sa Diyos

Pangilin sa Pagbunyag sa Ginoo (January 12, 2025)
Is. 40:1-5, 9-11 / Ps. 104:1b-2, 3-4, 24-25, 27-28, 29-30 / Tit 2:11-14; 3:4-7 / Lk 3:15-16, 21-22

Ang mga tawo sa panahon ni Juan naglaum ug nagpaabot sa pag-abut sa Mesiyas. Nagtuo sila nga si Juan mao na ang ilang gipangita. Apan si Juan nagpakita ug mapaubsanon nga kasingkasing, miingon siya: “Ako nagbunyag kaninyo pinaagi sa tubig, apan adunay usa nga mosunod kanako nga labaw pa kanako, nga dili gani ako takus magbuhat sa sintas sa iyang sandalyas.” Kini nagpakita nga si Juan nasayod sa iyang dapit sa plano sa kaluwasan ug andam nga magpasalamat sa Diyos alang sa iyang misyon.

Sa dihang si Hesus gibunyagan, ang langit naabli ug ang Balaang Espiritu midayandayan kaniya sa porma sa salampati. Ug usa ka tingog gikan sa langit miingon: “Ikaw mao ang akong Anak nga pinalangga; nahimuot ako kanimo.” Kini nga higayon nagpamatuod sa pagka-Diyos ni Hesus ug sa iyang misyon nga magdala ug kaluwasan sa kalibutan.

Ang maong pagbunyag nagtudlo kanato nga kita usab, pinaagi sa bunyag, giangkon isip anak sa Diyos. Kini usa ka pahinumdom nga kita adunay misyon sa pagpuyo nga malig-on sa atong pagtuo, magmatinud-anon sa pagbuhat sa maayo, ug magpakita ug gugma sa uban, sama sa gugma nga gihatag kanato sa Amahan pinaagi ni Kristo.

Sa atong pagtak-op sa kapaskohan, ato untang mapuy-an ang atong bunyag, ang ngalan natong tanan isip mga Kristiyanos. Dili unta kita maulaw o mahadlok o malimot sa pagkinabuhi sumala sa gasa sa bunyag nga atong nadawat. Palambuon unta nato ang grasya sa bunyag nga atong nadawat pinaagi sa pagpakita sa tinuoray gayod sa pagtoo nga atong gipadayag aron pinaagi kanato mas mailhan pa unta si Kristo nga atong Dios ug Manunubos. (Br. Ignatius Gonzales, CFA)