FEB-IBIG: Unsa Ka Tinuod ang Imong Gugma Kang Kristo?

Pebrero—Bulan sa Gugma. Wala ko nagdahom nga ang tinuod nga gugma, labi na ang walay pagduhaduha nga gugma, kasagaran may kauban nga kasakit. Ang paghigugma sa Diyos nga walay paglubad nagpasabot sa paglakaw uban Niya, bisan pa sa mga kakulian nga atong maatubang. Hunahuna-a nga naglayag ka uban Niya sa usa ka lig-on nga sakayan, apan kalit lang migahod ang mga balod, kusog ang dalugdog, ug nagbusok ang ulan. Huna-huna nga naglakaw ka sa tubig uban Niya, gibati ang kakusog sa unos. Apan tungod kay gihigugma Siya ug dili ka makapadayon sa kinabuhi nga wala Siya, dili ka makabiya—bisan pa unsa ka lisod ang panaw. Ang pagpuyo diha Niya uban ang paglaum dili gayod makapakyas kanato.

Usa ka higayon, nakasuway ko’g hilak ug miingon sa akong inahan nga gusto na kong mobiya sa parokya. Gusto nakong undangon ang pagpangalagad isip usa ka batan-on, nakasabot ko nga mahigugma gihapon ko sa Ginoo sa akong kaugalingong paagi—apan dili na sulod sa simbahan. Gibati nako nga bug-at kaayo ang akong gidala, sama sa nagpas-an ko sa akong kaugalingong krus, ug morag nasobrahan na akong kasakit. Apan wala ko makakita nga daghan pud ang nag-atubang og dagkong pagsulay sa ilang pagtuo—apan nagpabilin gihapon nga naglaum kang Kristo.

Usa kanila mao si Tatay Berto Bongabong, usa ka lay minister sa St. Jude Shrine Parish sulod sa kapin 15 ka tuig. Bisan sa iyang ikaduhang stroke ug sa panginahanglan sa iyang anak nga nagpa-dialysis, wala siya mipakyas sa iyang pagtuo. Nagkinabuhi siya pinaagi sa pagpamaligya og mga nindot nga hair clips ug mga pitaka. Ang iyang ligdong nga paglaum nagpalalom sa akong pagsabot sa tinuod nga gugma. Sa Jubilee Year of Hope, iyang giingon:

“Sa akong paglaum, dalaon unta ko sa kinabuhi sa atong Gino-o nga unta makasupport ko sa akong anak nga gidialysis; labi na sa akoa nga na stroke ika-duha.”

Bisan sa ilang mga kalisdanan, si Tatay Berto ug ang iyang anak nagpadayon sa paghimo og mga matahum nga handicrafts, nagpaningkamot aron makaangkon og igo nga kwarta para sa ilang tambal. Ang iyang kadasig sa pagpangalagad sa Ginoo, bisan pa sa kapait sa kinabuhi, nakapadilaab sa akong kasingkasing. Gihatagan ako niini og mas lawom nga pagsabot sa walay paglubad nga gugma—gugma nga nagapadayon, bisan sa tanang pagsulay. Kini nakapamalandong kanako nga ang ing-ana nga klase sa gugma talagsaon ug bililhon. Kining Pebrero 2025 nag-abli sa akong mata sa daghang dagway sa gugma.

Isip usa ka batan-on, kini usa ka hagit kanako nga dawaton ang matag pagpahulay uban sa grasya ug tibuok kasingkasing.

Para sa gusto motabang kang Tatay Berto ug sa iyang anak, mahimo ninyo siyang duolon sa iyang Facebook account: “Berto Bongabong.” Kung nangita mo og mga gasa para sa Valentine’s, ang iyang handmade crafts makahimong usa ka espesyal nga regalo. Makita ninyo siya duol sa St. Jude’s Parish sa Malvar St., tupad sa Davao Doctors Hospital.

Walay gamay nga tabang kung kini buhaton sa gugma. (Sophia Beatrice V. Sison)