Bisan ang Kamatayon Dili Makabuntog Niini

Solemnidad ni San Pedro ug San Pablo Apostoles (June 29, 2025)
Acts 12:1-11 / Ps 34:2-3, 4-5, 6-7, 8-9 / 2 Tm 4:6-8, 17-18 / Mt 16:13-19

Daghan na nga mga pagsulay diha sa kasaysayan sa Simbahan ang nasinati niini. Mga kahuyang sa napili nga tawhanon kaayo apan hangtod karon lig-on nga mibarog ang Simbahan tungod kay ang Dios maoy nagtukod niini.

Sa Ebanghelyo, tataw nga si Pedro tawhanon kaayo, gipili sa Ginoo nga maoy mangulo niini. Apan bisan sa iyang kahuyang ang Dios kansang gahum maoy nagtimon niini, bisan ang kamatayon dili makabuntog niini. Mga obispo, pari, GSL sa atong GKK, oo huyang ug duna kitay ikasaway, apan sang lit ang Dios man mao ang magbutang kanila sa pwesto, nan padayon ang atong katilingban sa pagtoo diha sa pagsimba ug pag-alagad sa usa’g usa.

Sa unang pagbasa, si San Pedro giluwas sa anghel sa Ginoo gikan sa peligro ug kamatayon. Siya gipalingkawas Kay wala man siya’y gihimo nga dautan. Mao usab kini sa matag usa kanato. Tungod sa atong pagsaksi sa pagtoo, daghan nato namiligro atubangan sa kalibutan nga puno sa tintal. Apan sa atong pagkamatinud-anon ug pagkamatinud-anon ug pagpaubos, mahimo kita, isip mga bahin sa Simbahan, nga kadasig ug kalig-on sa pagtoo. Dili unta kita maluya apan padayon nga moasdang aron molutaw ang kaayo.

Sa ikaduhang pagbasa, si San Pablo gilutos. Apan siya gilig-on sa Dios sa pagsangyaw sa pulong sa Ginoo bisan ngadto sa mga hentil, sa mga wala motuo. Kung kita usab dili tuohan usahay tungod Kay gipuy-an nato ang matuod nga pagtulon-an Simbahan, luwason usab kita sa Ginoo. Mag-antos man kita kang Pablo, apan nagpaabot ang gani sa kaharuhay ug kamaya isulod sa atong dughan.

Busa, niining pagsaulog nato sa kapistahan sa katedral sa Davao, San Pedro, ato unta nga mapuy-ang ehemplo sa pagsunod kang Kristo. Ang salmo mahimo unta nga atong kasandigan kay ang Dios magluwas kanato sa tanang kahadlok.