“The Journey is essential to the Dream” – St. Francis of Assisi

Gipahigayon pag-usab sa parokya sa Immaculate Conception Parish of Bansalan, Davao del Sur kaniadtong Biyernes sulod sa ika-onse nga semana sa Ordinaryong Panahon ang usa ka Panaw-Duaw subay sa Jubilee Year of Hope.

Gilambigitan sa mga katawhan gikan sa San Isidro Labrador Parish of Digos sa buntag ug sa hapon mitambong ang gikan sa mga GKK sa New Clarin, sama sa San Isidro Labrador, GKK Birhen sa Fatima, GKK Santo Niño, GKK Santa Cruz sa Santo Niño Parish Magsaysay, ug San Miguel Archangel Parish Matanao

Naninguha ang maong mga peregrine sa Indulehensya nga mabatonan pinaagi sa pag-apil niining Balaang Panaw-Duaw inubanan sa Grasya sa Ginoo ug dinasig sa Espiritu Santo.

Gi abi-abi sila sa mga kaparian nga gipangulohan nila ni Rev. Fr. Joel Codilla DCD sa buntag ug Rev. Fr. Francis Tom Aradillos DCD sa hapon ang pag saulog sa Santos nga Misa.

Sa mga buot mosalmot niining Panaw Duaw mamahimo nga makig sayod sa opisina sa Parokya. (Carlo Emboltorio)