Katas ng Basura

Usa ka bulan kapin ang kasaulogan sa PANAHON SA KAMUGNAAN kon SEASON OF CREATION.

Gipahigayon ang usa ka Forum alang sa kamugnaan Septembre 17, alas tres ang takna sa hapon sa BAPA BENNY TUDTUD AUDITORIUM sa Ateneo de Davao University, dalang Jacinto.

Giuluhan kini og KATAS ng Basura nga gipanguluhan sa Archdiocese Social Action Center (ASAC) sa pakigtambayayong sa University Community Engagement and Advocacy Council (UCEAC).

Gitapok ang mga coordinators sa kabatan-onan, GKK Servant Leaders, mga taga CENRO, mga taga Barangay Carmen ug Pangi.

Gihisgutan dinhi ang sanitary land fill ug ang epekto niini ngadto sa kinaiyahan.

Gibutyag sa City Environment and Natural Resources nga sobra na sa kapasidad ang sanitary land fill sa padayong inadlaw nga paghakot sa 700 kapin nga tonelada sa basura.

Matud ni MR. RODOLFO JR CADUCOY, sa CENRO mamenosan ang maong gidaghanon sa basura kung tumanon ang mga balaod sa kinaiyahan pinaagi sa pagbahin-bahin sa basura kon segregation gikan sa mga kabalayan.

Sa maong sistema, unta residual waste na lang ang moabot sa land fill.

Sa Septembre beinte, SABADO, gideklara kini nga INTERNATIONAL DAY FOR COASTAL CLEAN UP diin maghiusa na usab kita alang sa paghipos sa mga basura sa kabaybayonan sa Punta Dumalag ingon didto sa IGACOS, ipahigayon kini sa adlawng Biyernes, Septembre decinwebe.

Ug sa Oktubre singko, adlawng Domingo, mao ang katapusang adlaw sa kasaulogan sa Season of Creation, pagahimoon ang culminating mass sa tanang mga Parokya ug ingon man ang pagbendita sa mga seedlings ug kahayupan isip kasaulogan sa kapistahan ni San Francisco sa Assisi, ang patron sa kinaiyahan.