Mga katingalahan nga buhat sa Ginoo

(An excerpt of the Most Reverend Romulo G. Valles, D.D. in his Homily during the 65th GKK Fiesta of Sto. Tomas de Villanueva at Daliaon Plantation, Toril, Davao City.)

Usa sa mga timaan nga akong nakita, nga murag hambugero ta, masaligon kaayo nga moabot kitag centennial, kung kini pa lang untang ubang nawong nga makit-an nako, dili na kaabot, dili ta kaabot kay posible mga tiguwang naman ta. Perog moingon kita nga makaabot kita kay naa na mga bata daghan gidala diri.

Busa, usa sa mga katingalahan mao ang atong mapadayunong pagpangga sa atong mga anak. Usa sa katingalahan nato mao ang atong mapadayunong pag-ila nga ang kabataan gasa sa Dios. Kay lisod raba ning atong cellphone karon kay sige tag kita anang mga upload sa YouTube, mga gwapa, mga sikat, mga nakahumag degree. Unya moingon labina ang mga babaye, ako man ning kopyahon ba sa akoa nga dili una ko manganak kay naa pa koy career. Natakdan naman ta nga ang mga anak mura mag problema, mura bag unya na nang managanak. Kaming mga magtiayon wala pa miy plano nga manganak kay naa pa miy plano sa kinabuhi. Naunsa na man na? Unya motuo raba ta dayon. Ang mga katingalahan sa kinabuhi kitay mohimo, dili ang Ginoo.

Busa magpadayon kita sama sa Salmo nga atong nabati karon uban sa atong Mahal nga Patron, moingon kita karong adlawa, salamat sa atong piyesta, salamat sa atong katingalahang kinabuhi sa pagtoo 65 years ago ug kampante kita, confident kita nga ang maong mga katingalahan mao ang pagpangga sa Ginoo. Magpadayon sa sunod nga mga katuigan. Unay ngano man nga kabahin sa atong confidence, pagpadayon sa atong pagtoo, walay labot sa, unya na atong Ginoo, Siya man gyuy gisimba, nagsimba kita sa Ginoo, pero kining sa Catholic Church ba, mao gyud na kaayo.

Sukad pa sa sinugdanan, giapil sa Simbahan nato, Roman Catholic Church ang pag-ila sa kinabuhing talagsaon sama sa mga santos. Kay ang uban ila man nang dauton. Damayon pa si Maria nila ba. Ila man nang dauton kay buhi man ang mga santos. Sukad sa sinugdan kitay naghambin sa kabatasanan, sukad sa sinugdan, orig gyud nga batasan ba. Busa, sukad pa sa sinugdanan, batasan na sa gamay nga katilingban nga midako, midako, ang Catholic Church kabahin na nila ang pag-ila nga dunay mga tawo sa ilang palibot nga santo sa og kinabuhi, mga tawo nga maka-inspire nila. Bisan kita motan-aw ta sa mga mama nga miatiman sa mga bata, mga estudyante motan-aw, mangopya ta. Ang Simbahan sukad pa sa sinugdanan giila ang kahiusahan sa mga Santos.