Medical mission sa parokya gipahigayon

Malampuson nga napahigayon ang medical mission sa parokya sa St. Mary of the Perpetual Rosary, Buhangin niadtong Huly 30, 2017. Adunay 141 ka mga pasyente ang na serbisyohan sa medical check-up, 25 ang na-ibtan ug ngipon samtang 45 and nagpa body massage therapy.

Ang medical mission usa sa mga plano sa Parish Social Action Ministry (PSAM) sa parokya karong tuiga. Kining talagsaong kalihokan gipahigayon sa parish Caritas ug sa mga Pangulo sa Alagad (PSA) ubos sa pakighiusa sa Archdiocesan Caritas nga gipangulohan ni Sis. Rose Duhaylungsod nga maoy partner nga nakahatag ug tambal nga libre sa mga pasyente.

Ang mga GKK Servant Leaders (GSL) nga adunay kahanas sa panglawas, boluntaryo usab nga migahin sa ilang serbisyo. Ang PSAM coordinator nga si Joel Corage, mapasalamaton sa pagtugot ug suporta sa kura paroko nga si Fr. Jess Samaniego ug sa tanang milihok nga mga volunteer doctors, medical technologists, dentists, nurses, auxiliary volunteers, massage therapists ug sa mga nag-ampo alang sa kalampusan sa medical mission. (Hermie Mapute | SMPR SoCCom)