Jesus walks with us

(An excerpt of the homily of the Most Reverend Romulo G. Valles D.D. during the 59th Parochial Fiesta of St. Francis Xavier Parish in Tibungco on Dec 3, 2024)

Ug milingi siya [si Jesus], ngadto sa mga tinun-an ug miingon siya [si Jesus], “bulahan ang mga mata nga nakakita sa inyong nakita, kay sultihan ko kamo daghang mga propeta ug mga hari nga nangandoy nga makit-an ang inyong nakita, ug wala naka kita ug madunggan ang inyong nadungog ug wala sila makadungog”

Busa mga igsuon, importante kini, dili lang usa ka Dios, tinuod mana, naay simbahan iyang gitukod tinuod na, naay pito ka sakramento, tinuod na, dunay Trinidad tinuod na, pero importante gyud nga gisangyaw ni San Francisco ug kining giingon ni Jesus (bulahan kamo kakita ani karon), unsang hitaboa? Nga ang Dios mipadala sa iyang anak nga si Jesus, ug he walked with us. He traveled with us in this life, he walked with us…

Kining Santos nga Misa, Eukaristiya nga gibuhat sa simbahan sukad pa sa sinugdanan, gamay pa silang hangtod karon, mismo si San Francisco Javier, nagmisa siya’g makadaghan mao gyud nang Katoliko magmisa ta because kini ang sentro, kini ang sumada sa maayong balita nga unod sa atong pagsangyaw nga si Jesus mao ang timaan sa pagpangga sa Dios kanato. Siya ang dalan, siya ang kamatuoran, siya ang kinabuhi, bisan na shock ta namatay siya, human sa tulo ka adlaw nabanhaw siya, iyang gipildi ang tanan natong kahadlok.