Pro-life Month Celebration

Gisaulog sa Archdiocese sa Davao ang Pro-life month sa tibuok bulan sa Pebrero. Sa unang Dominggo, Pebrero 2, 2025 mao ang pag-abli sa selebrasyon lakip na sa Parokya sa Holy Family Parish sa Baliok.

Gisugdan ang aktibidad sa usa ka Santos nga Misa uban sa Parochial Vicar Fr. Ritzchild John S. Cariaga. Gisulod gilayon ang Blessing of Tomb of the Unborn. Gibendisyonan usab ang mga pamilya sa matag Santos nga Misa. Kani nga kalihukan, nagpahinumdum kanato isip mga Kristiyano sa paghatag ug bili sa kinabuhi gikan sa sabakan hangtod sa lubnganan.

Ang maong kalihukan gipangunahan sa Family & Life Apostolate, PSKB workers,ug sa uban pa nga mga Ministriya ug Mandated Organizations nga nahisakop sa parokya pinaagi sa suporta ug giya ni Fr. Roger Duhaylungsod, kura- paroko sa Holy Family Parish. (Dan-Dan Catipay | Holy Family Parish, FLA Coordinator)