Padayon sa pagpanaw

Nagsubo ang tibook parokya sa Maria Mananabang sa mga Kristiyanos sa hinanaling kamatayon sa kanhi kura paroko Rev. Fr. Marcelino Benabaye, SBD. Siya gikutloan sa iyang kinabuhi Pebrero 18, 2025.

Si Rev. Fr. Ben Benabaye, SBD nagsugod isip kura paroko sa Maria Mananabang sa mga Kristiyanos tuig 2014 hantod tuig 2022 ug milapas pa kini hantod tuig 2024 tungod sa pandemya. Sa iyang pagdumala sa parokya sulod sa pipila ka tuig dili matukib ang mga giya ug pagpangga niya sa mga parokyano ilabina dinha sa mga batan-on, mga giya nga hantod sa hantod magpabilin sa tagsa-tagsa ka kinabuhi sa mga batan-on.

Ang patayng lawas ni Fr. Ben gidala sa Maria Mananabang sa mga Kristiyanos Pebrero 18, 2025 hantod Pebrero 19, 2025. Didto gipahigayon ang wake mass dayon gisunod ang vigil didto sa Sacred Heart of Jesus Parish, Don Bosco, Mati buntag sa Pebrero 20, 2025 ug didto na manukad ang pagbalhin sa iyang patayng lawas Pebrero 23, 2025 sa Don Bosco Technical College, Cebu. Pebrero 24-26, 2025 ug pagahimoon ang wake vigil ug ipahiluna ang patayng lawas sa Don Bosco Formation Center-Lawaan, Talisay.

Ang Salesians of Don Bosco uban sa dakong kasubo apan hugot nga paglaum sa pagkabanhaw uban sa Dios Aamahan sa kamatayon sa pinalanggang kanhi kura paroko Rev. Fr. Marcelino Benabaye, SBD. Apan hugot nga magpabilin ang mga giya ug ang mga tam-is nga pahiyon nga di malimtan diha sa tagsa-tagsa ka kinabuhi sa mga tao nga nahimung kabahin sa pagserbisyo ni Rev. Fr. Marcelino Benabaye, SBD. (Arrafe Sumampong)