Saulogon ta ang himaya ug kadaugan

Ika-5 nga Domingo sa Pagkabanhaw (May 18, 2025)
Acts 14:21-27 / Ps 145:8-9, 10-11, 12-13 / Rv 21:1-5 / Jn 13:31-33, 34-35

Giunsa ba pagdaug ni Kristo ang sala nga maoy gisaulog nato niining panahon sa pagkabanhaw? Giunsa man nato sa konkretong paagi pagpakita kining kamaya sa pagkabanhaw?

Sa unang pagbasa, kinahanglan nga mag-antis kita aron makasulod sa gingharian sa langit. Sayod ang mga sumusunod ni Kristo nga kabahin kini sa iyang tugon sa wala pa siya mamatay, ang pagpa’s-an sa krus. Dili molikay sa pagsulay ang tawong mituo sa pagkabanhaw. Nalang ka niya, kini pultahan lamang sa kadaugan sa studyante nga magtuon aron makat-on, sa trabahante nga momatag sayo ug mo trabaho aron makasweldo.

Sa ikaduhang pagbasa, pahiran sa Dios ang tanang mga luha. Sama sa bagyo nga molurang, molabay ra ang kapait, mahulipan ra ang kalisod. Di ba pipila nato nga kaniadto walay kuryente, walay masakyan, walay kahibalo, layo sa kabihasnan? Apan karon, sayon na lamang ang impormasyon, ang pagbyahe sa lagyong lugar, ang paghimulos sa mga gamit nga electronics tungod sa mga imbensiyon. Kini mga sinyales lamang sa grasya sa Dios nga nag-uban kanato.

Sa Ebanghelyo, gitawag kita sa paghigugmaay. Pinaagi niini, kita makapuyo na karon ug dinhi pa lamang sa himaya ug kalipay sa gingharian. Unsa on man pagka epektibo sa himaya ni Kristi kung dili makita sa atong aktuwal nga kinabuhi. Adunay nag-ingon nga nakauyon siya kang Kristo apan dili sa mga Kristiyano. Kini tungod sa pakyas nga pagpakita sa pagrespeto, pagtinabangay ug pagkamatinud-anon sa atong pagtoo. Maghimo unta kitang timailhan sa kadaugan ug himaya ni Kristo diha sa atong pag-inigsuonay sa panahon sa kapildihan, kasubo ug pagkaparot Pinaagi sa atong paglig-on sa matag usa.

Busa Saulogon ta ang himaya ni Kristo nga nabanhaw. Dawaton ta nga ang kalisod agianan lamang sa kalingkawasannug kadaugan. Pahiran sa Dios ang mga luha sa mga matinud-anon. Ipakita ta ang matuod nga pagdawat sa usag usa nga gipaluyuhan sa matuod nga gugma.