Nagkahiusa kita tungod sa hitabo sa kalbaryo

(An excerpt of the Most Reverend Romulo G. Valles D.D. During his Homily at the 9th Parochial Fiesta of Sta. Cruz Parish, Talicud Island, IGaCoS, Davao Del Norte, May 3, 2025.)

Makatawa ta kay kanang pulong patron, tinuod gyud na. Pero, ang iyang original nga tuyo, kanang moingon ta, kinsay inyong patron, santos na. Santos, Sant Filomena, San Isidro, San Roque, San Vicente, Sta. Maria, San Jose. Mga tawo na sila nga balaan. Pero ang pulong patron ato nang gi apply bisan ang atong inspirasyon sa Parokya dili santo. Ang atong inspirasyon sa Parokya, karon kini, wala ko nag-ingon usba ha, pwede man nato ing-ana, pero makasabot ta ang atong patron dili basta-basta. Ang atong patron ang krus nga naglarawan kang Kristo. Ug sa Bol-anon pa, kakudyaw aning atong patron oy. Dii na basta-basta, dili na si Filomena, dili si San Isidro. Ang krus gyud, ang Ginoo.

Kining lebel sa inyong parokya, Santa Cruz, pareha pud Santo Nino kay ang atong mother parish, oy si Santo Niño dili na level ni San Roque. Ayaw’g kalimot si Santo Nino, Ginoo na. So high grade ang inyong patron. Dili gani angayan gamiton, pero sige lang atong gamiton patron, Santa Cruz. Iya gyud nga level ang misteryo sa Ginoo sa pagluwas kanato. Mao kana atong patron.

Ang kaanindot sa atong patron, Santa Cruz tungod kay duol kaayo na, dili kay maningkamot ang pari og koneksiyon sa atong patron lagi, Santa Cruz sa Santos nga Misa. Kay kada misa atong gibuhi ang handumanan sa krus. Kada Misa gisaulog ang kamatayon nga gihimo sa krus. Automatic. Pero si San Isidro, San Mateo, Padre Pio, as good as they are, medyo imong pag explain pero ang atoa, nagmisa sa piyesta sa Santa Cruz, matic. Kay ang Misa mao ang paghandum sa krus. Busa, mga igsoon, isip parokya, nalipay kita, akong ihanyag kaninyo ang akoang number one pamalandong, kada piyesta, labina niining Misa, atong gibuhi ang atong common memory, atong common nga handumanan, ang common natong history isip katawhan sa Dios. Ang atong katawhan sa Dios nabuo kita, nausa kita, nagkahiusa kita tungod sa hitabo sa kalbaryo. Miingon lagi si Jesus, buhata kini sa akong handumanan.