4th Archdiocesan Youth Bible Symposium Ipahigayon

Isip kabahin sa atong pagsaulog sa Bible Month, uban sa Tema: “God’s Word Brings L.I.F.E. (Love, Integrity, Faith, Engagement) to our Hearts and to our Homes”, adunay ipahigayon nga 4th Archdiocesan Youth Bible Symposium karong Enero 31, 2026, alas 7:00 sa buntag hangtud alas 4:00 sa hapon didto sa REMASE Gymnasium, Catalunan Grande, Davao City.

Ang mga tumong niining maong kalihukan mao ang mosunod: Doctrine: Aron mapalawom ang pagsabot sa Pulong sa Dios nga maoy tinubdan sa Espirituhanong kinabuhi; Moral: Aron mamahimong buhing saksi sa gugma. integridad, pagtuo ug pakiglambigit ngadto sa uban; ug Worship: Aron mapadayag ang dakong pagpasalamat, pagdayeg ug paghimaya diha sa paghimamat sa Pulong sa Dios.

Gidasig ang atong mga kabatan-onan nga sakop sa tibuok Archdiocese sa Davao nga mopartisipar niining maong relihiyosong kalihukan. Ang matag parokya giawhag sa pagpadala sa dili moubos sa 10 ka mga batan-on per parish. Adunay Registration Fee nga Php50.00 matag partisipante alang sa venue. Kining maong kalihukan namihong posible sa pakig-alayon sa mga pastoral nga ahensya sa Arkidyosis sa Davao: Archdiocesan Bible Apostolate of Davao (ABAD), Davao Archdiocesan Youth Coordinating Apostolate (DAYCA), Archdiocesan Liturgical Center (ALC), St. Francis Xavier Regional Major Seminary of Mindanao (REMASE).

Dali na mga kabatan-onan! Atong sination ang kanindot ug kabuhong sa Pulong sa Dios nga magpadilaab sa atong mga kaisngkaisng aron mamahimo kitang buhing saksi alang sa uban. (Madelyn Tito)