National Bible Month Culminating Activity

Malipayon nga gitapos sa Parokya sa Sagrada Pamilya ang Bible Month Celebration pinaagi sa usa ka makahuluganon nga Culminating Activity nga naghiusa sa komunidad sa parokya diha sa pagtuo, musika, ug pamalandong sa Pulong sa Dios. Nagsugod ang selebrasyon pinaagi sa Santos nga Misa, diin nagkatigom ang mga parokyano sa pag-ampo ug pagpasalamat, nga nagpalig-on sa sentral nga papel sa Balaang Kasulatan sa kinabuhing Kristohanon.

Ang giatangang bahin sa selebrasyon mao ang Singing Contest, nga nagpakita sa talento ug debosyon pinaagi sa musika nga dinasig sa Pulong sa Dios. Ang kompetisyon gibahin sa duha ka kategorya: ang School Category ug ang Zone Category. Ang mga partisipante nag-awit sa gipiling kanta nga “Ang Pulong Kinabuhi,” usa ka awit nga puno sa mensahe nga gisulat ni Fr. Dionisio Tabiliran, DCD. Pinaagi sa ilang pinasikad nga pasundayag, gipadayag sa mga partisipante ang mensahe sa kanta—nga ang Pulong sa Dios mao ang tinubdan sa kinabuhi, makahimo og kausaban, ug usa ka kahayag nga nagagiya sa matag pamilya.

Ang partisipante nga si Renna Mae Delima, gikan sa Jose Bastida Elementary School maoy nakakuha sa unang ganti alang sa School Category. Sila Roger Podador ug Benoni Mancao nga taga-Zone 7 ang nakadawat sa unang ganti alang sa Zone Category.

Si Mrs. Susan Villareal, usa ka aktibong parokyano nga nisaksi sa mga kalihukan sa parokya nagpaambit sa iyang pamalandong kabahin sa selebrasyon sa National Bible Month nga nagkanayon: “As I engrossed myself in the Bible Month Activity, I found my thoughts and emotions undergone a little transformation. The different Biblical passages helped me to reevaluate all my beliefs and aspects of my life. It deepened my connection to faith and have witnessed different interpretations and practices. This guided me to a spiritual awakening and a deep sense of moral provided by the Bible. The Activity became a way for my personal growth, inspiring commitment to integrate my learnings into my daily life. My participation in this month-long celebration provides a deeper understanding that the Holy Bible remains the source of our spiritual guidance and inspiration.” (Flor Arellano-Deloria | HFP SoCCom)