1st Profession of Vows sa Unom ka SM Novices Gipahigayon

Unom ka novices sa Society of Mary – Marist Fathers ang nanaad sa ilang unang panumpa atol sa usa ka solemne nga Misa niadtong Marso 25, 2026, atol sa Solemnidad sa Pagpahibalo sa Anghel ngadto kang Sta. Maria.

Ang Misa gipangulohan ni Fr. Mervyn Duffy, Provincial Superior sa New Zealand Province, uban sa ubang mga pari, ug uban sa komunidad nga nanambong aron mosaksi sa maong okasyon ug moampo alang sa mga bag-ong nagprofes.

Ang mga novices nga mihimo sa ilang unang panumpa mao sila Arnaud Elo Komi (Togo), Sylvestre Mbula (R.D. Congo), Bernard Ngala (Cameroon), Brandon Ngua (Cameroon), Pouono Vea (Tonga), ug Thomas Claude Manihira (New Zealand). Ilang gipahayag ang panumpa sa kaputli, pagkamasinugtanon, ug kakabus sulod sa duha ka tuig isip unang lakang sa ilang relihiyosong kinabuhi.

Sa iyang homiliya, gipasiugda ni Fr. Duffy ang gahum sa pulong ug saad. Iyang giingon, “Words are powerful—they can create, heal, bless, and guide. Today, the words you speak in your vows will shape your life as Marists.” Ang tinuoray nga kahulugan niini, ingon sa iyang gipasabut sa Bisaya, mao nga ang mga pulong dili lang tingog kundi adunay gahum sa pagbuhat ug pagpanguna sa kinabuhi.

Gihisgutan usab niya ang papel sa saad, diin matod pa niya, “A vow is more than a promise; it is a commitment that must be lived every day, shaping not just your words but your actions.” Kini nagapasabot nga ang panumpa kinahanglan tumanon dili lang sa pagsulti kundili sa buhat, ug kini maggiyahan ang matag adlaw nga pagkinabuhi sa usa ka Marista.

Gihimo usab niyang ehemplo si Sta. Maria, nga mitubag sa tawag sa Diyos pinaagi sa iyang hingpit nga pag-uyon nga mao ang pagsulti og, “Let what you have said be done to me”. Ang iyang hingpit ug tinuoray nga pagkamasinugtanon nagtugot nga mapadayon ang plano sa kaluwasan sa Diyos. Sumala ni Fr. Duffy, sama sa “oo” ni Maria, ang pag-ingon og “oo” sa Diyos karon magsugod sa usa ka kinabuhi nga pag-alagad ug pagtuo.

Matod pa niya, “From this day, your words will guide your life. Your vows are the beginning of living fully as Marists under Mary’s name.” Ang maong pulong nagpasabot nga ang pagprofesar dili lang seremonya, kundili sinugdanan sa aktwal nga kinabuhi isip Marista.

Human sa seremonya, opisyal nang miyembro sa Society of Mary ang mga novices, nga nagpasabot og bag-ong ang-ang sa ilang bokasyon ug pag-alagad sa Simbahan. Ang komunidad nagpadayag sa ilang suporta ug pag-ampo alang sa mga bag-ong nagprofess samtang sila nagsugod sa ilang panaw sa relihiyosong kinabuhi. (Rysan Dolor Macaranas | HCDC Intern)