Ang Kaminyoon: “4 ka Tinawag”

Malampusong nagpahigayon ang Parokya ni San Roque sa Malabog, Davao City sa Kasalan ng Parokya niadtong Hunyo 27, 2026. Gipangulohan ni Rev.Fr.Amado B. Arroyo ang Santos nga Misa sa alas nuwebe sa Buntag, adunay 4 ka paresan nga gikasal diin gipahinumdoman sila nga kaminyoon dili lamang simpleng saad kondili usa ka Sagradong tawag o Sacramento sa Diyos. Ang kalihukan gipahigayon sa sulod sa Simbahan nga gitambongan sa nagkalain – laing pamilya ug mga ninong ug ninang. Ang upat ka bag- ong pamilya gihiusa sa Sacramento, gipuno kini sa Espirituhanong pag – awhag ug pag-ampo alang sa bag- ong kinabuhi sa upat ka magtiayon.

Ang kaminyoon isip tawag o Sacramento ug Sagradong panag- uban usa ka bokasyon kon diin ang magtiayon gitawag aron maghigugmaay, magpasaylo, ug magtinabangay subay sa pagtulon-an sa Simbahang Katoliko .Ang Pamilya nga dungan mag-ampo, magpabiling lig-on taliwala sa mga pagsulay sa kinabuhi.”Busa Dili na sila duha, kondili usa na lang ka lawas. Ang gihiusa sa Dios, dili angay’ ng bulagon sa tawo.

Human sa Santos nga Misa malipayon ug mapasalamaton ang mga bag-ong kinasal, mapasalamaton usab ang PSKB Parish Coordinator nga sila Mike Melon ug Faith Sevilla uban sa core group ug sa mga DMII nga misuporta aron magmalampuson ang maong kalihukan.

Dalaygon ang Ginoo sa paghatag og grasya niining mga bag-ong kinasal.

Best wishes kaninyong Tanan. (Arlene R. Tarnate | SoCCom Coordinator)