Tawag sa Bunyag, Gitubag sa Misyon: Unang Archdiocesan Assembly sa Parish Pastoral Council sa Davao Gipahigayon

“Called by Baptism, Sent on Mission: Strengthening Parish Pastoral Leadership” ang tema sa First Ever ARCHDIOCESAN ASSEMBLY OF THE PARISH PASTORAL COUNCILS sa Arkidiyoses sa Davao atol usab sa pagsaulog sa ika-75 nga kasumaran sa Bunyag sa atong Arsobispo Most Rev Romulo G. Valles, D.D. niadtong Agosto 3, 2026 sa Martin Hall, Ateneo de Davao University, Jacinto Street, Davao City.

Ang maong Asembliya gitambongan sa kwarentay dos ka parokya ug isa ka Quasi parish nga kapin kon kulang otso syentos sietenta’s siete ka mga delegado. Kining mahinungdanon nga panagtigom nagtumong sa pagpalalom sa pagsabot sa Parish Pastoral Council kon PPC isip usa ka participatory structure sa Synodal nga Simbahan; pagpresentar sa bag-ong giamyenda nga PPC Statutes; pagpalambo sa abli nga dayalogo ug panag-uban tali sa mga pangulo sa parokya aron mas mapalig-on ug mapalambo ang pagpangalagad diha sa Simbahan. Na tapos kini pinaagi sa Santos nga Misa nga gipangulohan ni Arsobispo Valles. Sulod sa Santos nga Misa ang mga miyembro sa Parish Pastoral Council pormal nga gitugyanan sa ilang ministriya sa Simbahan.

Ang unang bahin sa asembliya nagtuki sa tema nga “The Parish Pastoral Council as Participatory Structure of the Synodal Church.” Gipasabot ni Rev. Fr. Junar dela Victoria, JCD ang bag-ong Statutes on the Parish Pastoral Council Structure, nga naglatid sa mas organisado ug mas epektibong paglihok sa mga konseho sa parokya. gipaklaro ni Rev. Fr. Junar dela Victoria ang Mga Giya Sa Atong Paglihok diha sa Parokya. Gituki ug gipatin-aw ang tanang bahin sulod sa PPC STATUTES. Kabahin sa maong pagpasabot ang:

• Organizational Structure sa Simbahan- theological foundation to give context to our PPC Statutes
• Ang unod sa PPC STATUTES nga adunay pito ka Artikulo:
  • ARTICLE I: NAME & ESTABLISHMENT – pangalan sa Parokya
  • ARTICLE II: NATURE & PURPOSE – nagtubag sa pangutana “Unsa ang kinauyokan nga kiniya sa PPC? Ngano gitukod kini ug unsa ang mga katuyoan nga angay niining makab-ot o matuman?
  • ARTICLE III: COMPOSITION – kinsa ang kabahin niini, dinhi giawhag nag adunay representante ang matag sector dinha sa atong katilingban
  • ARTICLE IV: TERMS OF OFFICE – dinhi gipaklaro ang termino o panahon sa pag-alagad sa katungdanan dinha sa PPC
  • ARTICLE V: MEETINGS AND DELIBERATIONS – dinhi gihisgutan kung kinsa ang presider sa meeting ug kapila magtigom ang konseho sa parokya ug nga ang matag decision o kolokabildo pagahimoon in the Spirit of Synodality uban sa pagpamalandong ug pag-ampo subay sa Mission sa Simbahan
  • ARTICLE VI: FUNCTIONS & RESPONSIBILITIES – dinhi gipaklaro ang mga buluhaton ug responsibilidad sa matag miyembro sa PPC subay sa pamaagi nga gilatid sa Final Document for a Synodal Church nga mao pag ambit sa Lawas ni Kristo ( Communion), partisipasyon pinaagi sa atong bunyag ug diha sa atong tawag – mission
  • ARTICLE VII: REVIEW & AMENDMENTS

Ang matag bahin niining PPC STATUTES subay sa pamaagi sa Synodal Church.

Human sa pagpresenta ug pagpatin-aw sa PPC Statutes misunod ang usa ka makahuluganon nga panel discussion diin mipaambit sa ilang kasinatian ug kahibalo ang mga bisita nga aduna nay taas nga kasinatian isip kabahin sa Parish Pastoral Council. Ang mga panelist mao sila ni Rev. Msgr. Paul Cuison, PC, JCD, Bro. Henry Evangelista, Mr. Rudy ug Mrs. Sorlinda Lozada, ug Sis. Loreta Juarez. Sa ilang pagpaambit ilang gisaysay ang kamahinungdanon sa kolaborasyon tali sa kaparian ug mga layko aron mapalig-on ang usa ka Synodal nga Simbahan.

Gisunod dayon ang Conversation with the Audience/OPEN FORUM diin atong nasaksihan ang aktibo ug madasigon nga pagpaambit sa matag usa nga nahatagan ug oportunidad nga mopaambit sa ilang kasinatian ug gibati nga nahimong kabahin sa Parish Pastoral Council sa ilang Parokya ug nakapangutana ug nakapakigdayalogo sa mga resource persons bahin sa mga hagit ug oportunidad sa pastoral nga pagkapangulo sa matag parokya. Mihatag usab ug mensahe ang atong Arsobispo ug konkreto nga example sa iyang kasinatian diha sa pamaagi nga Synodal – adunay consultation ug advises nga naghatag kaniya ug giya sa pagdesisyon.

Ang ikaduhang bahin sa Assembly mao ang Santos nga Misa nga gipangulohan ni Most Rev. Romulo G. Valles, DD., Arsobispo sa Davao Sa Homiliya sa atong Arsobispo, iyang gipangutana “Kinsa kita? – members of the Parish Pastoral Council, who are we around the Altar of the Lord? – we are called to live the Synodal way of being cChurch”. Midugang ang atong Arsobispo nga dinhi sa atong Arkidiyoses anaa na ang Synodal way ato lang kini bantayan ug palamboon, ato nang gipuy-an kini diha sa spirit of stewardshio nga makita dinha sa atong Gagmay Kristohanong Katilingban. Iya usab nahisgutan nga ang Final Document nga mao ang Lens nga makatabang kanato karon. Ang FINAL DOCUMENT mao ang resulta o sumada, collective reflection, proposalsm mga hagit gikan sa Synod of BIshops nga nagsugod niadtong tuig 2021 ug nahuman niadtong October 2024 ug ang paghatag importansya sa gasa sa bunyag sa matag usa. Gipahigayon usab ang Rite of Commissioning of PPC Members, usa ka makahuluganon nga timaan sa pagdawat ug pagbag-o sa ilang saad sa pag-alagad sa Simbahan ug sa katawhan sa Diyos.

Human sa Santos nga Misa mao ang Fellowship Dinner ug Cultural Presentation, diin gipakita ang nagkalain-laing talento pinaagi sa sayaw ug choral presentation. Usa usab ka espesyal nga tribute ang gihalad alang sa atong mahal nga ni Arsobispo Valles isip magbalantay sa Arkidiyosesis sa Dabaw.

Sa katapusan sa programa, naghiusa ang tanang mitambong sa pag-awit sa “We Are One,” usa ka simbolo sa panaghiusa sa Simbahan. Gisundan kini sa katapusang panalangin ni Arsobispo Romulo Valles ug sa finale song nga “Seasons of Love” nga gipanguluhan sa St. Gregory the Great Choir.

Ang mga delegado nga Miyembro sa Parish Pastoral Council sa kwarentay tres ka mga parokya mipauli nga puno sa bag-ong inspirasyon ug kadasig sa pagpadayon sa ilang pastoral nga misyon.

Dalaygon Ang Dios!

(Echerica U. Yamba | SocCom Parish Coordinator-SILP-Lumondao)