Kinsa man si Kristo alang kanimo?

Ika-21 nga Domingo sa Ordinaryong Panahon (August 23, 2026)
Is 22:19-23 / Ps 138:1-2, 2-3, 6, 8 / Rom 11:33-36 / Mt 16:13-20

Kinsa man si Kristo alang kanimo? Mahimo nga makatubag ka sumala sa imong nadungog o nasinati mismo.

Sa Ebanghelyo si Jesus midayeg kang Pedro sa sakto nga tubag sa iyang pangutana kon kinsa siya. Apan kining maong tubag, matod ni Jesus, gikan sa Amahan nga mipadayag niini kang Pedro. Dili kini gikan kang bisan kinsa, kondili sa Dios mismo. Mao nga ngadto kang Pedro gisangon usab ni Jesus ang pagpangulo sa iyang lawas, ang simbahan. Dili tungod ni Pedro o sa tawhanon nga kaalam, kondili tungod sa pagpadayag sa Ginoo.

Kinahanglan nga batonan ang pagpaubos ug dili ang garbo ni bisan kinsa nga gipili sa Dios nga mangulo sa iyang katawhan. Kini gisaysay sa ikaduhang pagbasa. Dili gahum, kondili pag-alagad ug pagpaubos ang tinuod nga gipili sa Dios nga iyang instrumento sa kahiusa ug kalamboan sa iyang katawhan. Duna ka bay ikapasigarbo gawas lamang sa gihatag ug gigasa sa Dios kanimo?

Gipahimangnoan usab kita sa unang pagbasa nga ang Ginoo mismo nga maoy maghimo ug naghulma kanato, mopalagpot sa gahum niadtong mga gipili niya apan wala mapuy-i ang kahulogan niini. Tumpagon sa Dios ang bisan kinsa nga mosalig sa hilabihan sa kaugalingon ug dili molantaw sa kasaysayan ug motamod sa kasamtangan.

Iampo nato nga ang Ginoo, magpaklaro ug magpasabot kanato kinsa si Kristo alang kanato.