Pagbag-o sa Panumpa sa Kaminyoon, Timaan sa Gugma nga Nagpadayon

Septembre 13, 2026 || Sa ikaduhang Misa sa alas 7:30 sa buntag, tulo ka magtiayon ang malipayon nga mibag-o sa ilang mga panumpa sa kaminyoon atubangan sa Diyos. Ang maong selebrasyon gipanguluhan sa Kura Paroko sa San Juan Pablo Segundo sa Los Amigos.

Kabahin sa pagpangandam alang sa Renewal of Marriage Vows miagi una ang mga magtiayon ug Marriage Enrichment Seminar nga gihimo sa AJC Formation House, Biao Guianga, Tugbok, Davao City. Ang seminar gipanguluhan uban sa mga facilitators ug speakers nga sila Alden ug Aries Melgarejo, Nancy Bustaleño, ug Hardie Aguanta. Ang MES naglangkob sa mga musunod nga hilisgutanan: Complementarity in Marriage, Maturity in Conjugal Love, Marital Communication.

Discipleship in the Christian Home, Stewardship in Marriage, Experiences & Challenges of Families, and The Family & the GKK. Pinaagi sa maong MES, ang mga magtiayon nakahatag og panahon sa pagpamalandong sa ilang kaminyoon ug sa ilang tawag isip Kristohanong pamilya. Nahimo usab kining pagpangandam alang sa ilang pagbarog pag-usab atubangan sa altar ug sa pagbag-o sa ilang mga panumpa.

Atol sa pag-atubang sa altar, mao kini ang mensahe nila Mr. Alden and Mrs. Aries Melgarejo, ang Coordinator sa Family and Life Aspotolate sa parokya. “As you renew your marriage vow, you now understand the significance of the Cross in your relationship. Conjugal love is like Christ’s love for His Church. It is a self-sacrificial love. Carry your cross. Endure your cross. Love your cross. You can achieve these if you put Christ at the center of your relationship. On behalf of the Commission on Family and Life, we congratulate you in your Renewal of Marriage Vow”.

Ang mensahe nahimong makahuluganon nga pagpamalandong alang sa tulo ka magtiayon samtang giandam ang kaugalingon alang sa pagbag-o sa ilang mga saad sa kaminyoon. Sa pag-renew sa Marriage Vows, ilang gipamatud-an pag-usab ang ilang gugma ug pagkamatinud-anon sa usa’g-usa atubangan sa Diyos. Ang maong selebrasyon nahimong usa ka matahum nga pahinumdom nga ang kaminyoon usa ka panaw nga gikinahanglan ang gugma, pagsakripisyo, paglahutay, ug labaw sa tanan, ang presensya sa Kristo isip sentro sa matag Kristohanong pamilya.

Uban sa tibuok St. John Paul II Parish ug Commission on Family and Life, gipadayag ang kinasingkasing nga kalipay sa tulo ka magtiayon sa ilang Renewal of Marriage Vows, pinaagi sa pagpalakpak uban sa pag-ampo nga ang ilang panag-uban padayon nga panalanginan ug lig-onon sa Ginoo. (Jonathan Paeldilan | SJPII SoCCom)