GKK Visitation Malampusong gipahigayon sa 35 ka mga GKK

Malampusong napahigayon ug natapos ang GKK Visitation sa 35 ka mga Gagmayng Kristohanong Katilingban sakop sa parokya ni San Juan Pablo Segundo, Los Amigos. Gisugdan ang maong visitation niatong Hulyo 6, 2026 ug natapos niadtong Septembre 18, 2026. Ang GKK Visitation uban sa Formation Team nga gipanguluhan ni Mrs. Marichu Bibat, naghisgut sa atong padayon nga pagpasabot sa atong mga Kaakuhan kon Pledge of Commitment isip mga Piniyalan (stewards), ipabati pagbalik ang gugma sa Diyos, pan andam sa atong kasingkasing ug mapukaw nga kita diay gipangita sa Ginoo ug aron kita mutobag sa tawag sa Ginoo. Gisugdan ang maong programa sa energizer, pagpahibalo sa tumong sa maong GKK visitation, pagpaila sa mga miyembro sa formation team ug pagtawag sa mga GKK servant Leaders ug pagkamustahay, ang visitation ginatapos sa pagsaulog sa Santos nga Misa human ang solidariy dinner kauban ang mga GSL, miyembro ug formation team. Ang maong GKK Visitation nagtuyok sa tema nga: “Unsay ibalos ko sa Ginoo tungod sa Iyang kaayo kanako?” (Salmo 116:12)

Gipasabot ni Bibat nga, “Kanunay kitang nangayo sa Dios, apan karon ato siya pangutan-on, “Unsay akong ikabalos?” O mas maayo nga pangutana, “Ginoo unsa ang Imong gusto nga buhaton ko para kanimo?” Ang Stewarship dili obligasyon, kini ang atong tubag sa Iyang walay kinutuban nga kaayo. Ang Stewarship Pledge of adunay upat ka mga kaakuhan; Una, Ang kaakuhan ngadto sa Diyos (Commitment to God) kini mao ang pag-ila sa Labawng Makagagahom isip tinubdan/tag-iya sa tanan. Ikaduha, Ang kaakuhan sa isig-katawo (Commitment to Fellowmen) kini nagpasabot sa atong paghigugma ug pag-alagad sa atong isigkatawo, ilabina sa mga nanginahanglan ug isip mga Stewarship of talent and treasure aduna kitay kaakuhan ngadto sa atong isigkatawo. Ikatulo, Kaakuhan sa Kaugalingon (Commitment to self) pag-amping sa lawas ug kalag nga gipiyal sa Dios kanato isip templo sa espiritu, aron mahimo kitang mas haom nga instrumento sa iyang kabubot-on. Ug ang Ikaupat, mga Piniling kaakuhan (Specific Commitment) mao ang mga konkretong buhat o tahas nga imong gipili o gidawat isip tubag sa imong relasyon sa Dios.”

Siya midugang nga pagtapos niining GKK Visitation kini naga pahinumdom nato nga ang Stewardship dili usa ka programa nga matapos pagkahuman niini nga adlaw. Dili kini usa ka obligasyon nga idugang lang sa atong listahan sa mga buhaton. Ang tinuod nga kahulugan sa pagka Piniyalan, mao ang pag-ila nga ang tanan nga anaa kanato ang atong panahon, ang atong mga talento, ug ang atong mga bahandi dili iya sa atong kaugalingon. Gihulam lang kini nato gikan sa Dios. Ug tungod kay gihulam lang nato kini, duna kitay sagrado nga kaakuhan. Sa matag adlaw sa atong kinabuhi, sa matag trabaho nga atong buhaton, ug sa matag desisyon nga atong himoon, hinaut nga kini ang kanunay natong pangutana: ‘Ginoo, unsa ang Imong gusto nga buhaton ko para Kanimo?’ Ug sa matag higayon nga kita makadungog sa tingog sa Dios pinaagi sa panginahanglan sa atong isigkatawo, unta andam kita nga motubag uban ang hugot nga pagtuo: ‘Ania ako, Ginoo. Gamita ako sumala sa Imong plano.’ (Jonathan Paeldilan | SJPII SoCCom)