Rosary Month culmination San Roque Parish (SRP) Malabog 2026 (Photo: San Roque Parish – Malabog SoCCom)

Usa ka Makasaysayanong Pagtapos sa Bulan sa Santos nga Rosaryo!

SAN ROQUE PARISH – MALABOG, DAVAO CITY — Gitambongan sa mga magtutuo ang gipahigayon nga solemneng pagtapos o culmination sa Bulan sa Balaang Rosaryo kaniadtong Oktubre 31, 2026 diin nasaksihan usab ang pipila ka makasaysayanong unang higayon sa kasaysayan sa parokya.

Nagsugod ang maong balaang kalihokan sa eksaktong alas singko sa buntag (5:00 AM) didto sa Grotto ni Santa Maria. Isip pormal nga pag-abli, usa ka debosyonal nga paghalad og kanta ang ipahinungod alang sa Mahal nga Birhen Maria, nga pagasundan dayon sa paglitok sa Santos nga Rosaryo. Ang maong Living Rosary gipangulohan sa Kura Paroko nga si Rev. Fr. Amado Arroyo. Aron mas mapalundag ang kahulogan sa matag misteryo, mosunod sa pagpangulo ang mga Katekista nga na-assign alang sa maong Living Rosary uban sa mga Parokyano.Ang mga Katekista magsilbing buhing representasyon sa matag lugas sa Rosaryohan, nga nagpakita sa hiniusang pag-ampo sa tibook Parokya.

Kini nga kalihukan mao ang kulminasyon sa usa ka bulan nga debosyon nga gipahinungod sa pagpamalandong sa kinabuhi ni Hesus ug ni Santa Maria. Gidapit sa kura Paroko sa Parokya ang tanang mga magtutuo nga mosayo sa pagmata ug madasigog mosalmot niining sagradong takna sa pag-ampo aron mangayo og panalangin, kalinaw ug panalipod alang sa tagsa – tagsa ka pamilya ug tibuok katilingban.

Pagkahuman sa pag-rosaryo sa Grotto, isunod dayon ang pagpahigayon sa Santos nga Misa sulod na sa mismong simbahan, mao kini ang labing unang higayon sa kasaysayan sa parokya nga dungan nga pagahimoon ang Living Rosary sa grotto nga pagasundan dayon sa Santos nga Misa sa sulod sa simbahan alang sa maong okasyon.

Gawas niini, dako usab ang importansya sa maong Misa tungod kay isabay niini ang pormal nga pagpadala o commissioning sa mga Pangulo sa Liturhiya (PSL). Sila ang mga opisyal nga gitahasan sa pagdumala sa Responso alang sa mga lubong sa mga minatay sa nagkadaiyang sityo ug dapit nga sakop sa parokya.

Human sa Santos nga Misa, adunay hiniusang pagpamainit o pa kape nga giandam ang Parokya uban sa mga taong mga manggihatagon.

Santa Maria, i-ampo mo kami.

(By Arlene Tarnate, SRP Malabog SoCCom)

No Comments

Post A Comment