Focolare Visit

Focolare Visit – Mga kadagkuan sa relihiyosong organisasyon sa Focolare gikan sa Sugbo (Cebu City) ug dakbayan sa Davao ang niduaw sa Focolare Mati niadtong Nobyembre 6, 2014 aron kumustahon ug sutaon ang kahimtang ug mga kalamboan sa naasoyng pundok sa tumong nga makab-ut ang diwa sa Panaghiusa (“Uno”) pinasubay usab sa sanglitaan nga gibilin alang niini sa ilahang pundadora nga si Chiara Lubich. Ang mga bisita naglangkob nila Carlo Gentile (Italian) ug Delia Dalisay gikan sa Cebu, ug Alvi Viadoy, Jasmin Atienza, ug Mercy Fuellas gikan sa Davao, ug sila gisugat ni Bro. Benben Tambilawan, ang Focolare coordinator sa Mati. Alas tres sa hapon nakigkita sila kang Obispo Patricio H. Alo ug mitambong usab sa Stos. nga Misa nga gihalad ni Msgr. Alo sa Clergy House Chapel. Misunod ang pakigtagbo tali sa tanang mga miembro sa Focolare sa siyudad sa Mati. Kahinumduman usab nga ang Focolare ang nagpadayon pagpang-apodapod sa binulan nga Pulong sa Kinabuhi (Word of Life).