Sakayan–Simbahan

Sa telebisyon usa ka pastor miingon, “…ug kini sama sa arka ni Noa nga kinahanglan ang tanan magpasakop kay ang kalibutan hapit na matapos ug hukman. Kadaghanan sa nadani walay kahibalo sa Bibliya. Sa atong panahon, ang Simbahan sama sa sakayan nga nakasinati sa bagyo ug mga balod apan ang Ginoo wala nahikatulog, gani namatay siya apan nabanhaw. Gitukod sa Ginoo ang iyang Simbahan ug gipasalig nga kni dili gayod mapukan (Mk. 16: 18-19). Dugang pa niini, iyang gipasalig, “Ako uban kaninyo hangtud sa katapusan sa kalibutan.” (Mt. 28:19-20)

Ang matag tawo nga sumusunod ni Kristo adunay buluhaton busa kinahanglan magbaton sa kaalam aron iyang matuman ang iyang katungdanan. Si Santiago nag-ingon, “Apan kung diha kaninyo may nakulangan ug kaalam, papangayoa siya sa Diyos ug dili gayod siya mahigawad kay ang Dios mahinatagon ug maluluy-on man sa tanan.” (San. 1:5)

Ang buluhaton nagkalain-lain sumala sa kahimtang sa atong kinabuhi. Sa Simbahan dunay Santo Papa, Obispo, pari, mga madre, amahan, inahan, ug nagkalain-laing mga katungdanan. Gihatag pud ang kaalam. Kita masayop busa kita usab mag antos. Kinahanglan magtuon ug mag ampo aron dunay kaalam pagtuman sa atong katungdanan.