47 ka Bag-ong Altar Servers sa Guihing Nanumpa

47 ka Bag-ong Altar Servers sa Guihing Nanumpa

TUNGOD sa dakong kakulangon sa altar servers sa parokya sa Our Mother of Perpetual Help Guihing, inubanan sa mga lumilihok ug sa pari, nanumpa ang mga bag-ong 47 recruits sulod sa misa diha sa parokya. Sumala kang moderator Roel Andaya, nagalaum siya nga molungtad ug magmabungahon ang 47 kabuok nga mga altar servers. Ang mga seminarian gihatagan ug tahas nga magpasabot sa misyon nga ilang gisudlan. Gisaysay kanila ang “Three Qualities of a Faith-Filled Life: Transformation, Sacrifice, and Love” nila ni Sems. Ariel Maglupay ug John Carlo Mibulos. Sumala sa bag-ong Altar Servers President nga si Jay Fernandes, paningkamutan kuno niya nga mas molambo pa ang iyang pagpangalagad sa iyang mga kaubanan.

Bp. Afable ug Fr. Lopez

PORMAL nga giinstalar ni Bp. Guillermo Afable isip kura paroko si Rev. Fr. Consorcio “Dondon” Lopez Jr. sa parokya sa Our Lady of Assumption, Caburan. Miduyog sa maong kasaulogan sa santos nga misa ang mga parokyano. Sumala niya nga daghang na siya ug plano hilabi na sa pagtigum ug pondo alang sa Bokasyon sama sa iyang gisugdan sa Our Mother of Perpetual Help Guihing, Hagonoy, Davao del Sur.

Sa homiliya ni Bishop Jimmy, nasentro ang pagkasulogoon sa matag-usa, ug sama ni Birhen Maria nga nagmatinumanon gayud sa sugo sa Amahan. Dili malilong nga si Fr. Dondon usa ka Marian Devotee ug ang iyang presensya nakapadugang ug kahulogan sa kapistahan sa Assumption Parish, Caburan, Davao Occidental.