Ateneo Chorale concert mitabang sa cancer patients

Ang Ateneo de Davao Chorale uban ang Ateneo Sidlak Performing Arts Collective nagpahigayon sa “Subangan,” usa ka konsyerto sa pagpadayag sa panibag-ong paglaum niadtong Disyembre 10 sa ADDU Finster Auditorium. Tinguha sa maong presentasyon nga tabangan ang House of Hope Foundation for Kids with Cancer isip benepisyaryo.

Matud pa ni Ms. Lizette Jeanne Bohol, Ateneo de Davao Chorale President nga dili lang kini nahitabo karon, apan iya kining gimarkahan nga pinakabibo.

Napahigayon kini tungod sa panabang nial Mr. Jesus Allaga Montajes, ang Program Officer for Culture and Arts, Atty. Ira Calatrava-Valenzuela, Chorale Moderator, ug Sir Jeremy Sarmiento, Musical Director gikan sa Muzic’sKool.

Matag tuig ginapahigayon ang susamang konsyerto aron mapakita ang matag talento sa mga miyembro hilabina sa ilang mga nakat-onan nga mga teknik diha sa ilang pag-ensayo. (Rusty Corsame | SMP SocCom)