GKK nangandam sa pista ni Sto. Niño

Nagapangandam na sa kapistahan ni Sr. Sto. Niño pinaagi sa general assembly ang Sto. Niño Greenvalley GKK sa Communal nga nahisakop sa Parokya sa St. Mary of the Perpetual Rosary. Napahigayon kini niadtong Sabado, Enero 7, 2017.

Nagsugod ang asembliya pagkahuman sa hiniusang pag ampo kon Kasaulogan sa Pulong (KSP). Gitambongan kini sa mga GKK servant leaders, mga miyembro sa katilingban ug pastoral team sa Parokya.

Ang Pangulo sa Katilingban (PSK) Roel Traya nagpahibalo sa maong assembliya bahin sa mga kalihukan sa umaabot nga kapistahan. Nagsugod na ang novena niadtong Enero 12, alas 7:00 sa gabii.

Ang prusisyon pagahimoon sa bisperas sa pista karong Enero 20, 2017, alas 6:00 sa gabii. Saulogon ang Santos nga Misa sa Enero 21, 2017, alas 6:00 sa buntag nga pangulohan sa kura paroko nga si Fr. Jess Samaniego. Pagkahuman sa Santos nga Misa adunay pagahimoon nga salo-salo nga pagaambitan sa mga bisita ug mga miyembro sa katilingban. Pagka hapon pagahimoon ang padula sa mga bata diha sa basketbolan. (Marichu Nuena, GKK SoCCom | Hermie Mapute, SMP SoCCom)