SPCT nanghatag ug bangko sa Marilog HS

Nag-donate ug 30 ka mga wooden armchairs ang tulunghaan sa Saint Peter’s College of Toril ngadto sa mga Senior High School students sa Marilog High School of Agriculture niadtong biyernes, Enero 13.

Ang pagturn-over sa mga bangko gipangulohan mismo ni Sr. Samuelita Enriquez, PM, president sa SPCT ug Mrs. Cristy Efondo, High School Principal. Ang mga bangko malipayon ug mapasalamatong gidawat ni Mr. Jeffren Miguel, ang Senior High School adviser sa Marilog HS of Agriculture.

Matud pa ni Ms. Maria Luisa Telabangco, Principal sa Marilog High School of Agriculture, mapasalamaton gayud siya sa pagkamanggihatagon sa Saint Peter’s College of Toril ug mga Presentation of Mary Sisters. Dakong pagpasalamat usab ang iyang gibati tungod kay naa nay magamit nga tarong nga bangko ang mga senior high school students sa Marilog HS of Agriculture.

Nagalaum ug naga-ampo ang mga maestra sa Marilog High School of Agriculture nga hatagan pa ug dugang pang mga grasya ang mga nagdumala sa Saint Peter’s College of Toril, ug magpadayon ang kahiusahan sa duha ka tulunghaan. (Jeffren Miguel | SFDA SoCCom)