Formation alang sa EMHC

ST. FRANCIS XAVIER PARISH — Nagpahigayon ang Formation Ministry sa St. Francis Xavier Parish Tibungco ug renewal recollection sa mga Extraordinary Ministers of Holy Communion (EMHC) sa Function Hall sa parokya, di pa lang madugay. Kini usa sa mga pormasyon nga ilang agian isip pagpangandam bag-o sila masend forth atul sa Corpus Christi karong Hunyo 18.

Ang recollection nagpahinumdum kanila sa ilang buluhaton ug mga kaakuhan isip mga Lay Eucharistic Ministers. Kini pinaagi nila Bro. Loloy Genosas sa ALC ug ni Bro. Jun Atinen, ang Parish PSL Coordinator sa St. Joseph Parish Sasa.

Ang Kura Paroko sa St. Joseph Parish sa Sasa nga si Rev. Fr. Dionisio Tabiliran, DCD mao usab ang nagpalawom sa kaimportansya sa eyukarisitya nga mao ang sentro sa ilang pagpangalagad isip lay eucharistic ministers. (Vivien Bonzon | SFX SoCCom)