San Pedro Cathedral

Kasaysayan sa San Pedro Cathedral

San Pedro Cathedral1848 – THE RECOLETOS
Miabot sa Dabaw ang Missionaries of the Discalced Order of St. Augustine kon Recoletos. Si Fr. Toribio Sanchez ang unang parish priest. Ang orihinal nga ngalan sa Cathedral mao YGLESIA MISION De CABEZERA De BERGARA DELA NUEVA GUIPOZCOA. Niadtong January 30, 1857, gipulihan kini ug Parroquia de San Pedro Apostol de Davao.

1860 – 1937 THE JESUITS
Nangabot ang mga Heswita sa Dabaw. Sa pagdaghan sa mga tawo, nagpatindog sila ug mas daku nga simbahan. Lima ka tuig ang construction period niini. Sa pagkakaron, sila ang nagadumala sa Ateneo nga tulunghaan.

1938 – THE PME
Human sa Jesuits, niabot ang mga misyonerong pari gikan Quebec, Canada. Na elevate ang parokya ngadto sa Prelature Nullius. Nabulag na kini sa Archdiocese of Zamboanga niadtong December 17, 1949. Unang apostolic administrator niini mao si Bp. Clovis Thibault, PME. Nahimo siyang Obispo niadtong 1955 dayon Prelate Ordinary.

July 11, 1966 – Ang Prelature Nullius sa Dabaw nahimong Diyosesis sa Dabaw. Si Bp. Thibault ang kinaunhang obispo.

June 29, 1970 – Ang Diyosesis sa Dabaw nahimong Arkidayosis. Si Abp. Thibault gihapon ang unang arsobispo dayon sa iyang pagresign, mipuli si Arsobispo Mabutas niadtong 1972. Gi instalar si Abp. Fernando Capalla niadtong 1996. Sa kasamtangan, ang arsobispo sa Dabaw mao si Romulo G. Valles, D.D.

Aduna nay kapin 2,000 nga GKK ang Dabaw sa pagkakaron, 32 niini sakop sa San Pedro Cathedral. Ang kura paroko mao si Msgr. Leonardo B. Vicente. (FILE)

No Comments

Post A Comment