Holy Family Parish nadasig sa Inter Mirifica Seminar

Nagpahigayon ug “Inter Merifica” (IM) o ang dekrito sa katilingbanong komunikasyon) seminar niadtong Setyembre 3 alang sa mga Pangulo sa Katilingban ug GKK SoCCom ang parish coordinator nga si Marieta Comighud kauban ang guest facilitator, Flor Arellano Deloria SocCom. Si Flor mao ang SoCCom coordinator sa Holy Family Parish – Sto. Rosario Vicariate.

Gitambungan ang seminar sa 44 ka partisipante. Dako ang pasalamat sa mga nanambong nga napaklaro pag-ayo kung unsa ka gamhanan ang midya sa social communications sa atong panahon karon. Nalamdagan ang ilang panghunahuna nga aduna gayud diay mandato ang Simbahan alang sa iyang katawhan sa aktibong pag-apil aron ang mga katingalahang butang nga atong nasinati karon sa natad sa komunikasyon makahatag ug dakong kaayo.

Ang presensiya ni Fr. Ritschie Gamaya Managing Director sa Davao Verbum Dei Media Foundation, Inc. nakadugang ug kadasig sa mga nanambong. Makatakod ang iyang kadasig nga mapadayon ang mga nasugdan nang mga kalihukan alang sa pagtuman sa gipangayo sa IM.

Daghan ang gustong mag subscribe sa Davao Catholic Herald newspaper aron madugangan ang 3,000 lamang nga tigpalit gikan sa 1.4 milyon nga Katoliko sa Davao. Sila pud miingon nga “maminaw na sa DXGN aron matubag ang ilang ispiritwal nga panginahanglan. Mushare sab sila sa FB live coverage hilabi na sa misa.”

Sa mga interesadong grupo sa Simbahan nga gustong makasinati sa Inter Mirifica, mamahimong mutawag sa 297-1054 (Research and Training Department). Ang IM nga dekrito gihimo panahon sa Vatican II niadtong dekada saysenta. (Marietta Comighud | OMPH SoCCom)