Inter Mirifica seminar sa San Roque Parish gipahitabo

Dako ang kalipay sa mga GKK SocCom nga nagpahigayon ug Inter Mirifica seminar sa San Roque Parish, Malabog niadtong September 9, 2017 sa alas 9:00 sa buntag hangtod sa alas 12:00 sa udto. Ang facilitator niadtong higayona mao ang duha ka parish Soccom nga mao sila Lance Mariquin Sarmiento ug parish SocCom coordinator nga si Imelda Cajera Overiz.

Adunay 38 ka mga participante ang nitambong, mao ang mga GKK SocCom. Kini ang ika-duhang higayon sa Inter Mirifica seminar sa San Roque Parish, Malabog.

Dinhi napaklaro pag-ayo sa mga SocCom kun unsa ka powerful ang Social Communication and Mass Media sa henerasyon karon. Nasabtan ug napamalandungan sa mga SocCom nga adunay mga balaod sa simbahan nga mag-apil-apil kita sa natad sa social media ug social communication aron mapalapnag ang mga maayong balita sa Ginoo. Mao kini ang katingalahang butang nga masinati nato sa social media nga makahatag ug dakong kaayo ug dili sa ka daot. Busa kita mga SocCom mupili sa mga dapat tan-awon, basahon, ug i-share sa uban.

Si ma’am Cheryl Vilog isa sa naghatag dugang pasabot nga adunay 1.4 milyon katoliko sa Davao og 3,000 palang ang naka subscribe sa Catholic Herald. Iya pod gi-introduce sa mga live coverage mass sa fiesta sa GKK, sponsors ug uban pa. Gitudloan niya ug unsaon pagbuhat ug balita, han-ay sa pagsulat sa KUKANG (Kinsa, Unsa, Kanus-a, Asa, Ngano ug Giunsa). Ug excited na nga mobuhat ug balita ang mga GKK SocCom. Human gipanghatag ang survey form questionnaire ni ma’am Gei Reah, staff sa DXGN 89.9 Spirit FM. Dayon gi-answeran by group ug gipaambit dayon sa tanan ang ilang pwedeng matabang sa Katolikong radyo, herald, pinaagi sa pag subscribe sa newspaper na Herald, 25 para sa radyo ug sponsorship ug pagpaminaw kanunay sa DXGN 89.9 Spirit FM.

Sa katapusan nagpasalamat si Fr. Jojo Jemasol Ortiz, ang among kura paroko, sa mga staff sa DXGN 89.9 Spirit FM nga sila ma’am Cheryl Vilog and Gie Reah ug sa iyang kauban nga si tatay ug iyang papa sa pag-anhi dinhi sa among parokya. Nagpahimangno pud siya sa mga SocCom kung mobuhat ug balita kuhaon una ang kompletong datos ug dili maulaw sa pagpangutana labi na sa pagsulat ug balita sa mga GKK fiesta. Kini nakahatag kadasig sa mga nagseminar sa pagsuporta niya sa mga GKK SocCom.

Agi’g pasalamat sa mga GKK SocCom sa pag-anhi sa staff sa DXGN 89.9 Spirit FM, naghatag ug gipadalhan sila ma’am Cheng ug mga abot sa ilang kaumahan na mga preskong gulay ug prutas. (Imelda Overiz | SRP SoCCom)