Kabataan sa Tagakpan, nangandam alang sa umaabot nga Marello Cup 9

Isip pagpangandam sa umaabot nga Marello Cup 9 sa St. James the Greater Parish, Ibaan Batangas karong Oktubre 27-29, ang Joseph Marello Youth sa San Francisco de Asis Parish Tagakpan nagpatigayon sa ilang praktis ug sayaw matag Biyernes sa gabii hangtud sa Domingo sa alas singko sa hapon.

Ang maong praktis gibahin sa duha: una, ang cheerdance contest sa lima ka sectoral level nga gilangkuban sa kongregasyon sa Oblates of Saint Joseph, ug ikaduha, mao ang cultural presentation diin ipasundayag ang kultura nga gigikanan sa matag parokya.

Ang maong praktis gipangunahan sa upat ka mga pioneers sa JMY Davao nga sila Sherwen Christian Nuera, LPT, Jan Michael Alo, Bernard Patrimonio ug Jonathan Calimpitan.

Hugot ang pagtoo ug pagsalig sa mga batan-on nga sila makaperform ug tarung, ug nga mapakita ang mga talento sa mga kabataan gikan diri sa siyudad sa Davao. (Frelyn Torreon, LPT | SFDA PSB President)

Post Your Thoughts