Nagatoo Ako Sa Dios Nga Amahan

P: Kinsa ang nagbuhat sa kalibotan?
T: Ang Amahan, Anak ug Espiritu Santo mao ang usa ug dili mabahin nga sinugdanan sa kabuhatan bisan og ang buhat sa pagmugna sa kalibotan partikular nga gipunting ngadto sa Dios nga Amahan.

P: Ngano nga gibuhat man ang kalibotan?
T: Ang kalibotan gibuhat alang sa himaya sa Dios nga mibuot pagpadayag ug pagpaambit sa iyang kayo, kamatuoran, ug kanindot. Ang kaulahian nga tumong sa kabuhatan mao ang Dios, diha ni Cristo, “maghari sa tanan sa hingpit gayod” (1Corinto 15:28) alang sa iyang himaya ug sa atong kalipay.
“Ang himaya sa Dios mao ang tawo hingpit nga buhi, labot pa, ang kinabuhi sa tawo mao ang panglantaw sa Dios” (San Ireneo)

P: Giunsa man pagbuhat sa Dios sa uniberso?
T: Gawasnon nag gibuhat sa Dios ang uniberso uban ang kaalam ug paghigugma. Ang kalibotan gimugna dili tungod kay siya gikinahanglan o pasuwerte o sa sulagma lamang. Gibuhat sa Dios “gikan sa wala” (ex nihilo) (2Macabeo 7:28) ang kalibotan nga hinan-ay ug maayo ug kini sa walay-sukod nga gilatas niya. Gi-atiman sa Dios ang iyang mga binuhat nga molungtad ug iyang gi-amoma pinaagi sa paghatag niini sa kasarangan sa paglihok ug sa iya nga patultol niini ngadto sa katumanan niini mismo pinaagi sa iyang Anak ug sa Espiritu Santo.

(Cf. Kompendiyo sa Katekismo sa Simbahang Katoliko, 52-54)