2013 – Tuig sa Pagtoo: Malukpanong Pormasyon sa Pagtoo

ANG PAGPADAYAG SA KRISTOHANONG PAGTOO
DIHA SA DOSE (12) KA ARTIKULO SA KREDO SA PAGTOO

ARTIKULO 2

PAGKAT-ON SA ATONG PAGTOO

Basaha sa Ebanghelyo:  Mateo 16:16  – . . .Ug mitubag si Simon Pedro, “Ikaw mao ang Mesiyas, ang Anak sa Dios nga buhi.”

Pamalandong: Si Kristo ang bugtong Anak sa Dios, Siya Ginoo ug Manluluwas sa kalibutan. Siya ng ikaduha nga persona sa Usa ka Dios, ang Balaang Trinidad. Siya usa ka Dios ug usa ka Tawo. Siya gipili sa Dios Amahan nga Manunubos sa kalibutan.  Siya lang ang tigpataliwala sa Dios ug sa katawhan, ang bugtong gasa sa Dios kanato. Siya ang Manluluwas sa katawhan.

Diha sa Kompediyo sa Katolikong Simbahan, si Pope Benedict XVI nagpadayag kanato mahitungod sa atong Ginoong Jesucristo: Jesukristo, ang bugtong Anak sa Dios (CCCC #79-84)

79. Unsa man ang Maayong Balita sa Katawhan? Mao kini ang pagsangyaw kang Jesucristo,”Anak sa buhi nga Dios,” (Mt 16:16) nga namatay ug nabanhaw gikan sa mga minatay ug nabanhaw gikan sa mga minatay. Sa panahon Hari Herodes ug ni Emperador Cesar Augusto, gituman sa Dios ang mga saad nga “iyang anak nga mianhi ingon nga anak satawhanong inahan, ug nagpuyo siya ilalom sa balaod, aron pagluwas niadtong nailalom sa Balaod ug aron mahimo kitang mga anak sa Dios” ( Gal. 4:4-5)

80. Unsaong man pagsabwag sa Maayong Balita? Gikan pa sa sinugdan ang mga tinun-an nadasig sa pangandoy sa pagmantala kang Jesucristo aron madala ang tanan sa pagtoo diha kaniya. Bisan karon, gikan sa mahigugmaong nga pag-ila kang Cristo mitubod diha sa mga matuohon ang pangadoy sa pagsangyaw ug pagtudlo, sa ato pa, pagpadayag diha sa Persona ni Cristo sa kinatibuk-ang plano sa Dios ug panaghiusa sa katawhan uban kaniya.

81. Unsa may kahulogan sa nga “Jesus”? Ang ngalan “Jesus”nga gihatag sa anghel panahon sa pagpahibalo nagakahulogan og “Ang Dios nagaluwas”. Ang ngalan nagapahayag sa iyang pagka-siya ug sa iyang misyon “kay luwason niya ang iyang katawhan sa ilang mga sala” (Mateo 1:21). Gisangyaw ni Pedro nga “walay laing ngalan nga gihatag sa katawhan sa tibuok kalibutan nga makaluwas” (Buhat 4:12)

82. Nganong gitawag man si Jesus og “Cristo? “Cristo”sa pinulongannga Griyego, “Mesiyas” sa Hebreo, nagkahulogan ang “dinihogan”. Si Jesus mao ang Cristo kay gibalaan siya sa Dios ug gidihogan sa Espiritu Santo alang sa iyang matubsanon nga misyon. Siya ang Mesisyas nga gipaabot sa Israel, nga gipadala sa Amahan sa kalibutan. Gidawat ni Jesus ang titulo nga Mesiyas apang ang iyang gipatin-aw sa krus ug dayon nabanhaw, siya mao ang Mainantuson nga Alagad nga “naghatag sa iyang kinabuhi aron sa pagluwas sa daghang tawo”. (Mateo 20:28). Gikan sa ngalan Cristo naggikan angatong ngalan nga Kristiyano.

83. Unsaon man pagsabot nga si Jesus mao ang Bugtong Anak sa Dios? Si Jesus mao ang Anak sa Dios sa talagsaon ug sa hingpit nga paagi. Sa panahon sa iyang Pagbunyag ug sa Pagkausab sa iyang Panagway, ang tingog sa Amahan mitudlo kang Jesus nga iyang “pinangga ngaanak”. Sa pagpahayag niya sa iyang kaugalingon isip Anak nga “nakaila sa Amahan”(Mateo 11:27), gipamatud-an ni Jesus ang iyang usa ra gayud ug walay kinatuban nga relasyon sa Dios nga iyang Amahan. Siya “ ang Bugtong Anak sa Dios (1 Juan 4:9), ang ika-duha nga Persona sa SantisimaTrinidad. Siya ang kinataliwad-an nga larawan sa postolikanhong pagwali. Nakita sa mga apostoles “ang iyang himaya ingon nga bugtong Anak sa Amahan” (Juan 1:14)

84. Unsa man ang kahulogan sa titulo nga “Ginoo”? Sa bibliya kini ang titulo sagad nagpunting sa Dios nga labaw sa tanan. Giangkon ni Jesus kining mao nga titulo ug gipadayag niya ang iyang diosnon nga pagkalabaw sa tanan pinaagi sa iyang gahom ibabaw sa kinayahan, ibabaw sa mga demonyo, ibabaw sa sala, ug ibabaw sa kamatayon, labaw sa tanan pinaagi sa iyang kaugalingong Pagkabanhaw. Ang mga unang Kristohanong Credo nagasangyaw nga ang gahom ang dungog, ug ang himaya nga angay sa Dios nga Amahan iya usab ni Jesus:” gihatagan siya’g ngalan nga labaw sa tanang ngalan” (Filipo 2:9). Siya ang Ginoo sa kalibotan ug sa kasaysayan,ang Usa lamang sa kang kinsa kinahanglan nga hingpit itugyan nato ang atongpersonal nga kagawasan.

Integrasyon:

(Sa Atong Pagtoo)- Si Kristo ang Bugtong Anak sa Amahan nga nagluwas sa kalibutan. Si Jesus nagluwas, nag-ayo, nagtubos, nagtabang, nagpasaylo, nagmaymay, naggiya ang tanan nga atong gikinahanglan mahitungod Kaniya.

(Sa atong Moral) – Diha kang Kristo, nakabaton kita og kusog sa pagtuman sa kabubut-on sa Dios. “Salig sa Ginoo bisan unsay mahitabo. Siya ang atong dalangpan, kusog ug ang ang iyang presensya nakatabang diha sa pagpakalma sa kagubot”(Salmo 46:1).

(Sa atong Pagsimba) – Pinaagi sa atong pagkamasaligon kang Kristo nakabaton kita sa grasya sa pagtoo.Daygon ta ang Dios diha sa pag-ingon: Ako luya apan diha akang Kristo ako lig-on.

PAGKAT-ON UNSAON PAGPUYO SA ATONG PAGTOO

Unsa ang atong buhaton sa pagdawat kang Kristo nga atong Dios?

To Do Today:

1. Pray to Jesus
2. Share Jesus
3. Praise Jesus
4. Act like Jesus

Pag-ampo: Ginoong Jesus mohair unta sa akong pagkatawo: sa akong kasingkasing, sa hunahuna, ug sa akong kalag, Ako nagasangyaw, “ Ikaw ang akong Ginoo ug akong Hari.”