(Cf. Kompendiyo sa Katekismo sa Simbahang Katoliko, 58-60)

P: Nganong gitugotan man sa Dios ang dautan?
T: Ang pagtoo nagahatag kanato sa kasegurohan nga ang Dios dili motugot sa daotan, kon walay kaayohan nga mogawas gikan niini. Gipatuman kini sa Dios sa katingalahang paagi diha sa kamatayon ug pagkabanhaw ni Cristo. Sa pagkatinuod, gikan sa labing daotan (ang pagpatay sa iyang Anak) iyang gipatumaw ang labing maayong kaayohan (ang paghimaya kang Cristo ug ang atong katubsanan).

P: Unsa man ang gimugna sa Dios?
T: Ang Balaang Kasulatan nag-ingon, “Sa sinugdanan gibuhat sa Dios ang mga langit ug ang yuta” (Genesis 1:1). Ang Simbahan sa iyang pagpahayag sa pagtoo nagasangyaw nga ang Dios mao ang Magbubuhat sa tanan, sa makita ug dili makita, sa tanang espirituhanon ug lawasnong buang, sa ato pa, sa mga anghel ug sa makita nga kalibotan ug, ilabi na sa tawo.

P: Kinsa man ang mga anghel?
T: Ang mga anghel tim-os nga espirituhanon nga mga binuhat, walay lawas, dili makita, walay-kataposan, ug personal nga mga linalang nga ginasahan og pangisip ug kabubut-on. Sa walay hunong nagsud-ong sila sa nawong sa Dios, ug gihimaya nila Siya. Nag-alagad sila kaniya ug mga mensahero sila niya sa pagtuman sa iyang makaluwas nga misyon sa tanan.