Ang Putling Kasingkasing ni Maria

Ang gipangandam karon natong mga katoliko sa tibuok kapupud-an, nga PAGTUGYAN UG PAGHALAD SA PUTLING KASINGKASING NI MARIA,  usa ka talagsaon ug mahinungdanong kalihokan nining TUIG SA PAGTOO. Pagahitaboon kini sa Sabado, Hunyo 8, 2013 sa kapistahan mismo sa Putling Kasingkasing ni Maria.

Mao kini ang unang higayon niining tuiga nga maghiusa ang mga simbahang lokal gikan sa Batanes hangtud sa Jolo, sumala sa gikauyunan sa atong mga obispo sa Pilipinas, nga magpadayag sa atong dakong pagmahal ug pagsalig sa makanunayong pangama sa atong Mahal nga Birheng Maria sa atong kasaysayan isip usa ka nasud.

Sa pagpili sa pangilin sa Putlping Kasingkasing ni Maria, buot natong handumon ug saulogon ang iyang kasingksing nga maoy timaan sa iyang dakong gugma alang sa tanang mga tawo.  Siya, nga nasinati sa mga tawo isip  inahan, magtatabang, tigpataliwala, magtutudlo ubp. Buot usab natong  mapadayag ang atong kinasingkasing nga pagtugyan ug paghalad kaniya sa tibuok natong kinabuh, aron pinaagi kaniya, uban kaniya, ug diha kaniya madala kita niya ngadto sa iyang bugtong anak nga si Hesus, atong Ginoo, kansang kasingkasing nagpadayag usab sa gugma sa Dios.

Ang labing mahinungdanon ug makahuluganon nga bahin niining pagtugyan mao nga magbunga kini sa pagtuman sa pagboot sa Ginoo labot sa paghigugma sa isigkatawo.  Sa ato pa gikan sa pagtugyan, mahubad kini sa MGA BUHAT SA GUGMA UG KALOOY ngadto sa mga kabus, sinalikway, ug hinikawan sa hamugaway nga pagkinabuhi. Matud pa, ang akto sa pagtoo makompleto lamang diha sa buhat sa gugma ug kalooy.

Magbinantayon ug magmatgon kita sa atong mga palibot – kinsa? Ug asa kita makapdayag niining gugma1; unsa angw sarang natong mahimo alang sa uban nga giila kong isigkatawo ug igsoon.

Aduna usab laing bahin kining maong pagtugyan. Dili lang pagtuyan sa kaugalingon, kon dili HINIUSANG PAGTUGYAN.  Mao nga gikauyunan sa mga Obispo nga magdungan kita sa paghimo niini, gipanguluhan namong mga obispo, hiniusa sa mga kaparian uban sa ilang mga parokyano, ug sa mga gagmayng kristoshanong katililngban (GKK) sa mao rang kapistahan sa Mahal nga Birheng Maria sa Hunyo 8, 2013. Gitakda ang pagsaulog sa MISA, diin pagahimoon ang hiniusang pagtugyan sa katawhan sa alas 10 sa buntag, kon mahimo. Ang KAHIUSAHAN UG PANAGLAMBIGIt maoy usa ka labing importanting kinaiya sa Simbahan. Busa, mahinungdanon kining hiniusang tinguha sa Simbahan karon, dinasig ug gipanguluhan mismo sa atong Mahal nga Inahan.

Sa katapusan, atong lantawon og maayo, ginamit ang mga kasingkasing ug mata sa Pagtoo, ang larawan – PUSO NI MARIA INA NG BAYANG SUMISINTA.  Makita nato ang tanang mga nagkalainlain nga hut-ong sa mga Pilipino, ilabi na ang mga kabus, anaa silang tanan sa sulod sa KAPA sa Mahal nga Birhen Maria. Kining pagtuyan dili lang alang kanatong mga Katoliko tungod kay ang Mahal nga Birheng Maria INAHAN SA TANAN. ANG TANAN NAHIAPIL SA PANGAMA SA PUTLING KASINGKASIN NI MARIA. Nakaila sila o dili, nagatoo man sila o dili, nagadawat man sila o dili kaniya, gimahal kitang tanan, balaan o makasasala man.

Busa, ipadayon nato ang pagpanagandam alang niinIng dakong hitabo sulod sa Tuig sa Pagtoo. Niining nagsingapos nga BULAN SA MAYO,MAGROSRYO KITA MATG ADLAW. Motambong kita sa mga KATEKESIS nga ipahigayon sa inyong dapit? Maminaw sa programa sa radyo labot niini. Moapil sa NOVENA  sa Putling Kasingkasing ni Maria Mayo 30 – Hunyo 7.