Vicar General sa Roma gi-pili sa Santo Papa

Aron adunay kaabag ang Santo Papa isip Obispo sa Roma, gi-anunsyo ni Pope Francis nga magpabilin isip Vicar General sa Diocese of Rome si Cardinal Agostino Vallini.

Gihimo ang pag-anunsyo, pinaagi sa sulat niadtong Mayo 18 ug namantala sa Vatican niadtong Mayo 24, sumala sa report sa zenit.org website.

Si kanhing Pope Benedict XVI ang nagpili kay Cardinal Vallini, 73, niadtong June 27, 2008.

Ang Vicar General sa Diyosesis sa Rome mao usab ang mahimong Archpriest sa St. John Lateran Basilica ug Grand Chancellor sa Pontifical Lateran University.