Maayo nga dunay mga karatula

Sa mga simbahan dunay mga karatula: “Be Honest….” ug “Dress modestly”. Sa ubang mga dapit nga saba, hugaw, sagbot, ug lain ang mga baho, kinahanglan dunay mga karatula sulat o pahibalo nga magsogyot niining mosunod:

1. Ayaw ninyo ilabay sa canal, dalan o agianan ang inyong mga basura, salin nga pagkaon o mga hugaw;
2. Ilain ang mga basura: plastic, ang mabaho, mga kahoy, mga bakal o lata,
3. Ang mga sanga, palwa, kinahanglan putlon kini ug isulod sa supot;
4. Ang mga sanga ug dahon sa inyong mga tanum dili molapas sa inyong kaugalingong lote o lugar.
5. Ang mga tubig gikan sa inyong balay kinahanglan dili mahulog ngadto sa mga agianan o laing lote.
6. Limpyohi kanunay ang inyong mga dalan, canal, drainage nga inyong gigamit.
7. Ang inyong mga iro bantaye nga dili hinungdan sa kahugaw ug kabaho sa inyong dapit o palibot.
8. Ayaw pagbutang og material, kagamitan diha sa mga dalan o agianan alang lang sa personal o kaugalingong kaayohan.
9. Ang basketball court dili gamiton sa masabang kalihokan paglampas sa alas 9 sa gabii (aron dili makadisturbo sa mga tawo nga nagpahulay na)

Ang relasyon sa mga managsilingan molambo pinaagi sa pagbaton sa maayong pamatasan. Sa ubang subdivision dunay mga karatula: “Bawal magbobote, magbabakal . . “ Kung kini mao ang ilang mabasa, nan, malagmit maghunahuna sila nga bawal sila nga mosulod sa atong kapelya! Malagmit, maglisud kita pagsangyaw sa Ginoo ngadto kanila.

BISAG UNSA – Fernando A. Saludes