Si Hesukristo Lalang Sa Espiritu Santo

P: May matuod ba nga lawas si Cristo?
T: Gipanag-iya ni Cristo ang matuod nga tawhanong lawas nga paagi niini nahimo nga Makita ang dili-makita nga Dios. Mao kini ang hinungdan nganong si Cristo mahimo nga ihulagway ug yukbo-an diha sa mga balaang larawan.

P: Unsa may gipanag-ingnan sa kasingkasing ni Jesus?
T: Sa iyang tawhanong kasingkasing, si Jesus, nakaila ug nahigugma kanato. Ang iyang kasingkasing, nga gidughang alang sa atong kaluwasan, simbolo niadtong walay-kinutobang gugma nga paagi niini gihigugma niya ang Amahan ug matag usa kanato.

P: Unsa may kahulogan sa mga pulong “gipanamkon sa lalang sa Espiritu Santo…”?
T: Kining mga pulonga nagapasabot nga ang Birhen Maria nanamkon sa tunhay nga Anak sulod sa iyang sabakan sa gahom sa Espiritu Santo sa walay pagbulig og tawo. Ang anghel miingon kaniya sa Pagpahibalo nga “Mokunsad kanimo ang Espiritu Santo”

(Lucas 1:35).

(Cf. Kompendiyo sa Katekismo sa Simbahang Katoliko, 92-94)