Barangay Captains, Senior Citizens o Makililimos?

Sumala sa nabalita dunay konsehal nagsogyot nga ang mga Barangay captains nga nakasilbi og tolo ka termino (total of 9 years) hatagan og P100,000. Kung atong himoon ang survey, daghan and dili mouyon niini. Mas daghan mouyon nga ang mnga senior citizens ug mga makililimos hatagan og P1,000 matag bulan. Unahon kadtong mga senior citizens nga : (1) wala magdawat og pension o walay iyang kaugalingong kinitaan, ug (2) dinhi matawo sa Davao City.

Karon daghan kaayo ang gusto mahimong opisyal sa Barangay tungos sa sweldo ug mga benefits nga ilang madawat. Busa dili na kinahanglan nga ang buhis sa katawhan gamiton aron sila pasigunggan. Ang kwarta sa gobyerno gikan sa mga buhis sa mga tawo nga kasagaran gipatong sa presyo sa matag butang nga atong gipalit. Busa ang kwarta sa gobyerno kinahanglan nga gamiton alang niadtong mas labi pa ang kinahanglan serbisyohan.

Ang senior citizens nga walay kinitaan ug mga nagpalimos sa mga kabalayan, sa mga kadalanan ug simbahan mao unta ang unahon pag-atiman. Dunay congregation nga nag-atiman sa mga “the poorest of the poor”, busa kinahanglan nga ang gobyerno mao ang mohatag sa serbisyo.

Kung hatagn og P100,000 ang mga Barangay Captains nga makasilbi og tolo ka termino, nan, malagmit nga ang mga konsehal hatagan pod og dako pa sa P100,000 kung sila makasilbi og tolo ka termino. Hinaut unta nga dili nila unahon ang ilang kaayohan, unahon hinoon nila ang mga senior citizens ug mga nagpakilimos na sa mga kabalayan og kadalanan.

Panahon sa Pasko, ang dako og kinitaan dako pod ang ilang pinaskuhan, ug kadtong walay kinitaan wala poy pinaskuhan. Busa linahanglan nga dunay balaud nga mahimong instrumento alang niadtong adunay pangkinahanglan.