“ Fathers to learn parenting skills”

Sumala sa nabalita ( PStar 2/18/14), “DSWD wants fathers to learn parenting skills.” “ the DSWD has distributed the Empowerment and Reaffirmation of Paternal Abilities Training (ERPAT) program manuals to local government units for implementation in their respective areas.”

Maayo unta kung ang DepEd makahimo pod og manuals nga magamit sa mga ginikanan unsa ang itudlo sa bata gikan sa kindersgarten ngadto sa Grade 11 aron sa balay na lang tudloan ang mga gagmay na mga bata kay gasto kaayo sa pasahe ug dakong kahago ang paghatod-kuha sa mga bata matag adlaw ngadto sa eskwelahan. Gikan sa kinder ngadto sa Grade 11, vernacular ang gamiton sa pagtudlo, busa daghan ang mga ginikanan nga makahimo pagtudlo sa ilang gagmay pa nga mga anak. Hinonoa, adunay binulan nga examinations aron mapamatud-an nga ang bata dunay nakat-onan sumala sa standard requirements. Ug kini nga paagi alang lang sa mga ginikanan nga dunay katakos ug modawat sa programa. Maayo pod unta kung sa mga Catholic bookstores o parokya dunay mga standard manuals para sa religious instructions nga kinahanglan alang sa wala pa maka-kalawat o kinder ngadto sa Grade 11.

Tinuod dunay problema kung ang bata sa balay lang mag-eskwela. Apan nasinati na pod nato ang mga problema sa paghatod-hatod sa mga bata labi na kung layo ang eskwelahan. Sa Manila giplanohan nga sa matag semana upat (4) na lang ka adlaw ang klase tungod sa problema sa traffic panahon nga sugdan na ang mga road projects nga malagmit dili mahuman sulod sa duha ka tuig. Kung ang ubang bata nga kinder ngadto sa Grade 11 tua na lang sa ilang balay magtuon, o kaha tolo (3) na lang ka adlaw sa eskwelahan, nan, makatabang pod kini pagsulbad sa problema sa daghang sakyanan nga naghuot sa kalsada.