“83 lawmakers tied to agri pork racket”

Sumala sa mantalaan (PDI 3/17/14), 4 ka senador ug 79 ka mga kongresista nagpagawas sa ilang pork barrel funds ngadto sa mga questionable NGO’s. Kadaghanan sa mga tawo nagtuo nga mas maayo nga i –abolish na ang mga pork barrel sa mga magbabalaud tungod sa mga obserbasyon nga:

(1) Kung dunay mga anomalia sa kongreso dili mo-investiga ang senado agig pagtahod sa kongreso; (2) Kung ang mga sakop sa senado mahilambigit sa anomalia, nan, babagan nila ang mga appointment sa mga tawo nga nag-investigate o nagwitness batok kanila; (3) Ang mga senador nga involved sa anomalia sa pork barrel manlimbasug pagsusi sa mga travel ug scholastic records sa mga nag-investiga apan dili sa mga records ug kalihokan niadtong giingong utok sa anomalia.

Kung tinuod nga sila walay labot ug wala makakwarta, nan nganong wala sila motabang o maningkamot sa paggukod niadtong nakakwarta? Wala gani sila masuko ni may pulong batok sa mga tawo nga giingon nga nanlimbong kuno kanila. Busa dili gayod maayo nga ang mga magbabalaud dunay pork barrel bisan pa imantala sa gobyerno kung ninsa ug pila ang pork barrel ug kinsa ang mga may kalabutan ug mga benefisaryo ingon man ang mga paagi sa pag-implementar sa mga projecto.

Sa pagka tinuod, dili maayo ang sistema nga ang mga senador walay labot kung bogus  ang NGO’s nga hatagan nila sa ilang pork barrel. Dili pod katoohan nga wala sila masayod kung bogus ang NGO’s nga ilang gitabangan. Dunay opinion nga ang mga magbabalaud dili na sila magsusi o magpakisayod mahitungod sa projects basta nadawat na nila ang ilang bahin.