400 Migradwar sa Media Baby ka ba? niadtong Summer

Human mi review sa Summer Institute of Journalism ang tulo ka miyembro sa Training and Support Team sa media apostolate nga sila Perry Lamanilao, Cheryl Vilog ug John Frances Fuentes,  nagsugod na sad ug tuyok ang team aron sa pagtudlo ug pagdasig sa mga parish potential writers.

Ug tuod man, 400 ka tao ang nakahuman sa gipahigayong Media Baby ka ba? Seminar-Writeshop niadtong Mayo 10 ug 11.

“Lahi ang among approach sa pagtudlo sa duha ka managlahing grupo.  Sa San Roque Parish Malabog, mga youth campers, so general idea lang sa media education.  Sa San Miguel Panacan, gipalawman ang pagkuha ug facts bag-o magsulat.  Nag role play as to the art of interviewing. Pareho lang ang output nila- essay on how God manifested His great love.  Mi crash course pud ang mga batan-on nga aduna nay experience sa school paper”, matud pa ni Cheryl Vilog, usa sa mga trainers.

Gipaila ila pud sa mga partisipante ang mga Church Documents nga naay kalabutan sa midya sa Simbahan.  Kini aron mas makuha pa ang ilang suporta.

Ang media training nagsugod na niadtong dekada 70 pa.  Karon, gitawag kining Media Baby ka ba? Church Media Literacy Caravan nga adunay 20 ka mga modules.