Laykong lideres sa Indangan Parish nagtuon bahin sa parish news writing

Kapin 20 ka mga laykong lideres ang misalmot sa training-workshop mahitungod sa news writing sa gipahigayong Media Baby ka Ba? Workshop niadtong Hunyo 22 sa Our Lady of Miraculous Medal Parish sa Indangan, Davao City.

Gihimo ang maong workshop kauban ang Davao Catholic Herald aron motabang sa plano sa parokya nga magkamugna og kaugalingong newsletter aron mamahimong paagi sa pagpahibalo sa mga panghitabo sa parokya nga angay masayran sa kadaghanan.

Sa pagpangulo sa kura paroko nga si Fr. Elneri Meñez ug mga laykong lideres nahimong malampuson ang pagkat-on sa mga prinsipyo sa paghimo og balita ug pag-imprenta og mantalaan.

Gitun-an usab sa mga laykong lideres ang mahitungod sa social media ug unsa ang ilang pwede mahimo aron magsangyaw sa Maayong Balita pinaagi sa maong klaseng media.

Gilantaw sa parokya nga makapagawas sa ilang unang isyu karong umaabot nga Oktubre, una sila magsaulog sa ilang ika-lima nga kapistahan karong Nobyembre 27. (@johnfrancesf)