Bag-ong Ordinansa labot ilimnon, tabako gi-mugna

Adunay bag-ong ordinansya nga ginahan-ay karon sa City Council aron ipagbawal ang pagpamaligya ug mga makahubog nga ilimnon ug tabako kung walay maipakita nga ID.

Kini tungod sa obserbasyon ni Mayor Rodrigo Duterte sa kadaghanan sa mga kabatan-onan nga nalambigit sa krimen samtang anaa sa impluwensya sa ilimnong makahubog.

Subay sa ginahan-ay nga ordinansa, posibleng ma-imbargohan ug Business Permit ang bisag-unsang tindahan o establisimyento nga mubaligya ug ilimnong makahubog o tabako sa mga menor de edad. Posible usab nga makulong ang mga ginikanan nga mosugo sa ilahang mga anak nga mupalit ug mga ilimnong makahubog o tabako sa tindahan.

Matud kay Konsehal Tomas J. Monteverde, sila magpatawag ug Public Hearing sulod sa mga umaabot nga adlaw aron hisgutan pa ang ang mga probisyon sa maong ordinansa. Gi-awhag usab niya nga depensahan ang bag-ong henerasyon hilabi na nga ang mga sigarilyo ug makahubog na ilimnon makadaot sa kalawasan.