Bayanihan gihimo sa Calinan

Gisugdan na sa Sacred Heart of Jesus Calinan ang ilang Bayanihan isip preparasyon sa ilang 64th Parochial fiesta.

Miadtong Hulyo 5, 2014 mao ang unang sabado sa Bayanihan nga gipahigayon sa Sacred Heart of Jesus Calinan Parish, kini isip pagpangandam sa ilang pista karong moabotay nga Agosto 1, 2014.  Gisugdan kini sa usa ka misa nga nag sugod ug alas 9 sa buntag ug natapos 10:15 sa buntag  nga gidumala ni Fr. Adam.

Ubay-ubay ang mga miadto sa maong tapok-tapok kon asa gitambungan kini sa mga nagkadaiyang PSL ug PSA sa matag GKK sa Calinan, isip pag parsitipar sa maong kalihukan alang sa kaayuhan sa ilang simbahan.

Matud pa kay Florcy Jayson PSA sa La Purisima Concepcion Wangan-Calinan “Isip pangulo sa GKK usa sa mamahimong tabang nga akong mapaambit sa simbahan ang pag panlimpyo.”  “Kung unsa man ang mga tabangunon sa parokya mo tabang gyud ko,” gidugang niya.

Ang maong Bayanihan sa ilang parokya usa ka pamaagi sa ilang pagpakita sa ilang debosyon ngadto sa simbahan. Kini ang ilang pag padayag sa ilang kalabotan sa mga panghitabo nga anaa sa ilang katilingban.

Sa simpling pag panilhig, pag panghagbas sa mga sagbot na ipa ambit na nila nga ang pag tinabangay mao ang una sa ilang parayoridad alang sa kalamboan sa ilang simbahan.