Climate change, disaster preparedness trainors’ training gipahigayon

Sa ikatulong higayon, gipahigayon sa Archdiocesan Social Action Center (ASAC) Davao ang climate change ug disaster preparedness trainors’ training sa Our Mother of Perpetual Help Parish, Hunyo 28.

Kahinumduman nga gipahigayon ang maong klase nga seminar niadtong Mayo sa Ascension of the Lord Parish nga gitambongan sa mga formators sa nagkalain-laing parokya sa Dabaw.

Ang maong trainors’ training sa karon gitambongan sa 32 ka mga formators sa mga parokya sa Dabaw sama sa Marahan, Sasa, Agdao, Indangan, Toril, Bunawan, Buhangin, Tibungco ug Bajada.

Pipila sa mga gihisgotan mao ang Ang Pagbuhat sa Kabuhatan, Batakang Ekolohiyanhong Kaamguhan ug uban pa. Si Wilfredo ‘Nonoy’ Rodriguez, Disaster incharge sa Mintal Parish maoy naghatag sa lecture.

Sumala ni Fr. Leonardo Dublan, Jr., ASAC Director nagpaluyo sa maong seminar mao ang mga panghitabo nga gidala sa Climate Change.

Dugang pa niya nga kasagaran sa mga tawo dili magmatngon kung wala pa kaagi sa mga kalamidad mao gipakusgan ang pagpahigayon sa trainors’ training aron dili mahitabo  ang susama sa nabiktima sa Bagyong Pablo ug Yolanda.