GKKs: DADITAMA Experience

(Ika-Upat nga Bahin)

Sa kasaysayan sa subregion sa Davao, Digos, Tagum, og Mati (DADITAMA) ang GKKs mao ang prioridad nga duso pastoral! Sukad pa 1970’s pinasikad sa MSPCs, ilabina sa MSCP I ug II ang mga GKKs mikaylap daw sama sa ginasunog nga cogon.

Ang mga misyonaryong P.M.E. Fathers ug Maryknoll Fathers and Brothers ang naningkamot sa pagsugod niini ug gisalo, gipakatay ug gipalambo sa mga misunod nga mga pilipinong pari. Matag tulo ka bulan ang DADITAMA nagatapok aron paghisgot hisgot sa mga panghitabo ug dagan sa panahon, sama sa mga katalagman (man-made o natural calamities). Kasagaran ang mga realidad nga gipanghisgutan molugdang sa GKKs kanunay “center piece” ang pagsustenar ug pagpalambo sa parokya/GKKs. Niadtong miaging Hunyo 4-8, 2009, nagpahitabo ug DADITAMA-Wide GKK Convention.

Sa kasamtangan pinaagi sa liderato sa mga kaopispohan sa DADITAMA, ilabina ni Arsobispo Romulo G. Valles, ang GKK sa DADITAMA nagatubo ug nagalambo. Hinay-hinay apan kanunay! Ang mapadayonong pagpalambo sa GKK usa ka dakong hagit kay proseso man kini!

GIHAN-AY NI bp. george b. rimando, d.d.